१८ जना बालबालिकालाई काठमाडौं लैजाँदै गरेका व्यक्ति प्रहरीको नियन्त्रणमा

समाचार

गृहपृष्ठ
समाचार
१८ जना बालबालिकालाई काठमाडौं लैजाँदै गरेका व्यक्ति प्रहरीको नियन्त्रणमा

१८ जना बालबालिकालाई काठमाडौं लैजाँदै गरेका व्यक्ति प्रहरीको नियन्त्रणमा

मंगलबार, जेठ २२, २०८१ ज्योति दैनिक

वीरेन्द्रनगर । १८ जना बालबालिकालाई काठमाडौं लैजाँदै गरेको अवस्थामा सुर्खेत प्रहरीले एक व्यक्तिलाई नियन्त्रणमा लिएको छ । मुगु र हुम्लाबाट बालबालिका ल्याएर काठमाण्डौं लैजाँदै गर्दा सोमबार राति १२ बजेतिर वीरेन्द्रनगरको तीनकुने चोकबाट नाम्गेल छिरिङलाई नियन्त्रणमा लिएको जिल्ला प्रहरी कार्यालय सुर्खेतले जनाएको छ ।

बालबालिकाका आमाबुवाको सहमति र केही वडा कार्यालयको सिफारिसमा बालबालिकालाई काठमाडौं लैजाँदै गरेको भएपनि अन्य आवश्यक कागजपत्र नपुगेको कारण बालबालिकालाई लैजाँदै गरेका छिरिङलाई नियन्त्रणमा लिइएको जिल्ला प्रहरी कार्यालय सुर्खेतका प्रवक्ता डीएसपी वीरेन्द्रविर विश्वकर्माले बताए ।

नियन्त्रणमा लिइएको छिरिङले बालबालिकालाई पढाउनको लागि बौद्धमा लैजान लागेको बताएका छन् । प्रहरीले यसबारे थप अनुसन्धान गरिरहेको जनाएको छ । १८ जनामा १६ बालिका र २ बालक छन् ।

प्रकाशित मिति: मंगलबार, जेठ २२, २०८१ १६:०५