दक्षिण कोरियाका राष्ट्रपतिकाे लोकतन्त्र बचाउका लागि अन्तिमसम्म लडिरहने भनाइ

समाचार

गृहपृष्ठ
समाचार
दक्षिण कोरियाका राष्ट्रपतिकाे लोकतन्त्र बचाउका लागि अन्तिमसम्म लडिरहने भनाइ

दक्षिण कोरियाका राष्ट्रपतिकाे लोकतन्त्र बचाउका लागि अन्तिमसम्म लडिरहने भनाइ

बिहीबार, मंसिर २७, २०८१ ज्योति दैनिक

दक्षिण कोरियाका राष्ट्रपति युन सुक येओलले लोकतन्त्र बचाउका लागि आफू अन्तिमसम्म लडिरहने बताउनुभएको छ । उहाँले टेलिभिजन सम्बोधनका क्रममा गएको हप्ता देशमा सैनिक शासन लागू गर्ने ‘मार्सल ल’ घोषणा गर्ने आफ्नो निर्णयको बचाउ गर्ने अभिव्यक्ति दिनुभएको बीबीसीले उल्लेख गरेको छ ।

राष्ट्रपति युनले आफ्नो प्रयास लोकतन्त्रको पतनलाई रोक्ने र प्रतिपक्षको संसदीय तानाशाहीको विरोध गर्ने कानूनी निर्णय भएको जिकिर गर्नुभएको छ ।

दक्षिण कोरियामा राष्ट्रपति युनको राजीनामा वा महाभियोगको माग लगातार बढ्दै गएको छ । तर, युनले आफूले पद त्याग नगर्ने सङ्केत गरिरहनु भएको खबरमा उल्लेख छ ।

राष्ट्रपति युनले देशमा ‘मार्सल ल’ लागू गर्ने निर्णय गरेर केही घण्टा मै आफ्नो निर्णय फिर्ता लिनुभएको थियो । तर दक्षिण कोरियामा उहाँको ठूलो विरोध भइरहेको छ । उहाँमाथि अनुसन्धान पनि भइरहेको छ ।

प्रकाशित मिति: बिहीबार, मंसिर २७, २०८१ १२:४२