सुर्खेतमा किशोरीको बलात्कारपछि हत्या, दोषीमाथि कडा कारबाहीको माग

समाचार

गृहपृष्ठ
समाचार
सुर्खेतमा किशोरीको बलात्कारपछि हत्या, दोषीमाथि कडा कारबाहीको माग

सुर्खेतमा किशोरीको बलात्कारपछि हत्या, दोषीमाथि कडा कारबाहीको माग

बिहीबार, फागुन २८, २०८२ ज्योति दैनिक

काठमाडौं । गत शनिबार वीरेन्द्रनगर नगरपालिका–४, सुर्खेतस्थित शहीद उद्यानभित्र रहेको जनजागरण सामुदायिक वनमा १६ वर्षीया किशोरी इनिसा विकको बलात्कारपछि हत्या भएको घटनाप्रति विभिन्न संघसंस्थाहरूले गम्भीर ध्यानाकर्षण जनाएका छन् ।

सुर्खेतका विभिन्न नागरिक समाज तथा मानवअधिकारसम्बन्धी संघसंस्थाहरूले संयुक्त विज्ञप्ति जारी गर्दै घटनामा संलग्न दोषीमाथि कडा कारबाही गर्न उनीहरूले माग गरेको छ । संघसंस्थाले घटनाले आफूलाई स्तब्ध बनाएको जनाउँदै घटनाको निष्पक्ष छानबिन गर्न तथा दोषीमाथि कारबाही गर्न माग गरेका हुन् ।

वीरेन्द्रनगर नगरपालिका–१ मा बसोबास गर्दै आएकी १६ वर्षीया बालिकामाथि भएको यस्तो क्रूर अपराधले सम्पूर्ण समाजलाई स्तब्ध बनाएको विज्ञप्तिमा उल्लेख गरिएको छ ।

विज्ञप्तिमा भनिएको छ, ‘महिला तथा बालिकामाथि हुने यौन हिंसा कुनै पनि बहानामा सह्य हुन सक्दैन । सुरक्षित, सभ्य र न्यायपूर्ण समाज निर्माणका लागि राज्यका निकाय, नागरिक समाज र आम नागरिक सबैको साझा प्रतिबद्धता र सक्रिय भूमिका आवश्यक छ ।’ साथै, महिला तथा बालबालिकामाथि हुने यौन हिंसा तथा अपराधका घटनाहरू रोकथाम गर्न प्रभावकारी सुरक्षा व्यवस्था, निगरानी तथा सचेतनामूलक कार्यक्रमहरूलाई थप सुदृढ बनाउन सम्बन्धित निकायको ध्यानाकर्षण गराइएको छ ।

प्रकाशित मिति: बिहीबार, फागुन २८, २०८२ ०९:२८