आउँदाे बजेटमा कृषिलाई उच्च प्राथमिकता : प्रधानमन्त्री

समाचार

गृहपृष्ठ
समाचार
आउँदाे बजेटमा कृषिलाई उच्च प्राथमिकता : प्रधानमन्त्री

आउँदाे बजेटमा कृषिलाई उच्च प्राथमिकता : प्रधानमन्त्री

बिहीबार, जेठ १०, २०८१ ज्योति दैनिक

ललितपुर – प्रधानमन्त्री पुष्पकमल दाहाल ‘प्रचण्ड’ले नीति तथा कार्यक्रमअनुरूप आउँदो आर्थिक वर्षको बजेटमा कृषि क्षेत्रलाई उच्च प्राथमिकता दिने बताउनुभएको छ ।

ललितपुरको कोन्ज्योसोम गाउँपालिकामा त्रिमूर्ति प्रतिमा उद्घाटन समारोहलाई सम्बोधन गर्दै प्रधानमन्त्री प्रचण्डले आउँदो बजेटबाट कृषि क्षेत्रले पर्याप्त लाभ लिनसक्ने बताउनुभयो । सरकारले अघिल्लो महिनामात्रै तेस्रो अन्तर्राष्ट्रिय लगानी सम्मेलन उत्साहजनक रूपमा सम्पन्न गरेको उल्लेख गर्दै उहाँले सम्मेलनमा ठोट्ने खोलाको पानी प्रयोग गरी काठमाण्डौ उपत्यकावासीको पानीको समस्या समाधान गर्न विदेशी लगानीकर्ताका लागि परियोजनाको प्रारूप प्रस्ताव गरिएको जानकारी दिनुभयो ।

प्रधानमन्त्रीले लेले–चन्दनपुर, नल्लु–चौघरे–उन्युचौर–मानिखेल–गोटीखेल र बिर्खेधारा–दलचोकी–शङ्खु–इकुडोल गरी तीन वटा सडक दक्षिण ललितपुरको 'लाइफ लाइन' का रूपमा विकास हुने क्रममा रहेको र यसले ललितपुरको दक्षिणी क्षेत्रको विकासमा गुणात्मक फड्को मार्ने विश्वास व्यक्त गर्नुभयो ।

प्रकाशित मिति: बिहीबार, जेठ १०, २०८१ १९:१५