अमेरिकामा गोली हानेर छोराले मारे आफ्नै आमा

अन्तर्राष्ट्रिय

गृहपृष्ठ
अन्तर्राष्ट्रिय
अमेरिकामा गोली हानेर छोराले मारे आफ्नै आमा

अमेरिकामा गोली हानेर छोराले मारे आफ्नै आमा

शुक्रबार, चैत २२, २०८१ ज्योति दैनिक

अमेरिकाको मेनमा एउटा दुःखद घटना घटेको छ । एक छोराले आफ्नै आमाको गोली हानी हत्या गरेका छन् । यस गोलीबारीको घटनामा युवकको आमा र अन्य एक महिलाको मृत्यु भएको छ । अन्य दुई जना घाइते भएको बताइएको छ । प्रहरीका अनुसार २९ वर्षीय एक पुरुष जेम्स डेभिस तृतीयले आफ्नी आमाको गोली हानेर हत्या गरे ।

घटनाको समयमा ४७ वर्षीय क्रिष्टिन स्मिथले कार चलाइरहेकी थिइन् । कारबाट निस्केर युवकले सडकमा गुडिरहेका अन्य सवारी साधन माथि जथाभाबी गोली हान्न थाले । यस क्रममा सोही सडक भएर कार चलाउँदै गइरहेकी ५३ वर्षकी क्याथरिन विलियम्सलाई पनि गोली लाग्यो । अस्पताल पुराउँदासम्म विलियम्सको मृत्यु भइसकेको थियो ।

युवकले हानेको गोली लागेर छुट्टा छुट्टै सवारी साधन चलाइरहेका एक जना १९ वर्षिक युवक र ३५ वर्षीय पुरुष घाइते भएको प्रहरीले बताएको छ । यी दुवैको अवस्था गम्भीर नभएको बताइएको छ ।

यसपछि डेभिसले आफैँमाथि गोली हाने । डेभिसको मृत्यु भएको बताइएको छ । प्रहरीले यस घटनाबारे छानबिन गरिरहेको छ ।

प्रकाशित मिति: शुक्रबार, चैत २२, २०८१ १२:१७