अल्लू अर्जुनको जन्मदिनमा शाहरुख खानले दिने फ्यानलाई ठुलो सरप्राइज

मनोरञ्जन

गृहपृष्ठ
मनोरञ्जन
अल्लू अर्जुनको जन्मदिनमा शाहरुख खानले दिने फ्यानलाई ठुलो सरप्राइज

अल्लू अर्जुनको जन्मदिनमा शाहरुख खानले दिने फ्यानलाई ठुलो सरप्राइज

बुधबार, फागुन २७, २०८२ ज्योति दैनिक

मुम्बई । दक्षिण भारतीय सुपरस्टार अल्लू अर्जुनका फ्यानहरूका लागि खुसीको खबर बाहिर आएको छ । अभिनेताको आगामी बहुप्रतिक्षित फिल्म ‘AA22xA6’को औपचारिक टाइटल र टिजर सार्वजनिक गरिनेछ ।

आगामी ८ अप्रिलमा पर्ने अल्लू अर्जुनको जन्मदिनलाई खास बनाउन निर्माण पक्षले ठुलो तयारी गरेको छ । विशेष कुरा त के छ भने, यो फिल्मको टाइटल र टिजर बलिउडका ‘किङ खान’ अर्थात् शाहरुख खानले सार्वजनिक गर्ने भएका छन्।

फिल्मका निर्देशक एटली हुन् । एटली यसअघि शाहरुख खानको ब्लकबस्टर फिल्म ‘जवान’ निर्देशन गरेका थिए । सोही सम्बन्धका कारण शाहरुख यो विशेष इभेन्टको हिस्सा बन्न लागेका हुन् ।

बलिउड मिडियाका अनुसार निर्माण पक्षले अल्लू अर्जुनको जन्मदिनमा फिल्मको नाम घोषणा गर्दै फ्यानहरूलाई विशेष उपहार दिनेछ । टाइटल र टिजर सार्वजनिक गर्नका लागि एउटा भव्य कार्यक्रमको आयोजना गरिनेछ। जस मार्फत दर्शकलाई फिल्मको कथा र यसको भव्यताको झलक दिनेछ।

फिल्ममा अभिनेत्री दीपिका पादुकोण, मृणाल ठाकुर, रश्मिका मन्दाना र जान्हवी कपुरको पनि अपभनय रहनेछ । निर्देशक एटलीले यस फिल्ममा एउटा भिन्न र रोचक कथा पस्कने तयारी गरेका छन्, जसमा भरपुर एक्सन र मनोरञ्जन समावेश हुनेछ ।

प्रकाशित मिति: बुधबार, फागुन २७, २०८२ १०:५८