यात्रुकाे चाप बढेपछि हवाई सेवा प्रदायक कम्पनीले उडान सङ्ख्या थपे

समाचार

गृहपृष्ठ
समाचार
यात्रुकाे चाप बढेपछि हवाई सेवा प्रदायक कम्पनीले उडान सङ्ख्या थपे

यात्रुकाे चाप बढेपछि हवाई सेवा प्रदायक कम्पनीले उडान सङ्ख्या थपे

शुक्रबार, असोज १८, २०८१ ज्योति दैनिक

काठमाण्डाै । यात्रुको चाप बढेपछि हवाई सेवा प्रदायक कम्पनीले उडान सङ्ख्या थपेका छन् । बुद्ध एअरका सूचना अधिकारी दीपेन्द्रकुमार कर्णका अनुसार कम्पनीले भद्रपुर र भरतपुरमा समान दुई वटा उडान थप गरेको छ । अहिले विभिन्न गन्तव्यमा दैनिक दुईतर्फी एक सय ५० हाराहारी उडान गरिरहेको बुद्ध एअरले यात्रुको चाप बढेपछि उडान थपेको हो ।

श्री एअरलाइन्सले पनि आजदेखि काठमाण्डाै–भरतपुर–काठमाण्डाै रुटमा उडान सञ्चालन गर्न लागेको कम्पनीका संस्थागत प्रबन्धक अनिल मानन्धरले जानकारी दिनुभयो । कम्पनीले शुरूमा चार्टर्ड र त्यसपछि नियमित उडान गर्ने जनाएको छ ।

यति एअरलाइन्सले पनि यही असोज १५ गतेदेखि काठमाण्डाै–भद्रपुर–काठमाण्डाै र काठमाण्डाै–नेपालगञ्ज–काठमाण्डाैमा समान एक उडान थपेको छ । साथै आजदेखि काठमाण्डाै–जनकपुर–काठमाण्डाै गन्तव्यमा एक उडान थपिएको यती एअरलाइन्सका प्रवक्ता सुदर्शन बर्तौलाले जानकारी दिनुभयो ।

बाढी पहिरोका कारण सडक अवरुद्ध भएपछि हवाई उडानमा यात्रुको चाप बढेको हो ।

प्रकाशित मिति: शुक्रबार, असोज १८, २०८१ ११:०१