पर्साका सम्पूर्ण पेट्रोलियम पम्पको अनुगमन गर्न किसानहरुको माँग ।

समाचार

गृहपृष्ठ
समाचार
पर्साका सम्पूर्ण पेट्रोलियम पम्पको अनुगमन गर्न किसानहरुको माँग ।

पर्साका सम्पूर्ण पेट्रोलियम पम्पको अनुगमन गर्न किसानहरुको माँग ।

सोमबार, पुस ४, २०७९ ज्योति दैनिक

वीरगञ्ज । पर्साका किसानहरुले जिल्लामा रहेका सम्पूर्ण पेट्राेलियम पम्पहरुको अनुगमन गर्न माँग गरेका छन । सोमबार जिल्लाका किसानहरुले पर्साका प्रमुख जिल्ला अधिकारीमार्फत बाणिज्य तथा आपुर्ति मन्त्रालयलाई त्रापन पत्र बुझाउदै पम्पहरुको अनुगमन गर्न माँग गरेका हुन ।

किसान हकहित सँघर्ष समिति पर्साका अध्यक्ष सहरुम राउत गदीको नेतृत्वमा पुगेको किसानहरुको टोलीले ज्ञापन पत्र पर्साका प्रमुख जिल्ला अधिकारी उमेश कुमार ढकाललाई बुझाएका थिए ।

ज्ञापनपत्र मार्फत उनीहरुले जिल्लामा रहेको पेट्रोल पम्पहरुले अपुर्ण तौलको डिजेल किसानहरुलाई बितरण गरिरहेकोले समबन्धित निकायले अनुगमन गर्नुपर्ने माँग राखेका छन ।

उनीहरुले डिजेल पेट्रोल बिक्रेताहरुले पेट्रोलियम पदार्थ मापन यन्त्र बिगारेर खुलेआम रुपमा कम तेल बिक्री बितरण गरिरहेको आरोप ज्ञापनपत्र मार्फत लगाएका छन । पटक पटक जिल्लास्थित नापतौल कार्यालयलाई यस बिषयमा जानकारी गराउदा समेत कुनै सुनुवाई नभएकोले मन्त्रालय स्तरिय टोली नै पर्साका पेट्रोल पम्पहरुको अनुगमन गर्नुपर्ने किसानहरुले ज्ञापनपत्र मार्फत आग्रह समेत गरेका छन ।

प्रकाशित मिति: सोमबार, पुस ४, २०७९ २०:२८