गृहमन्त्रीस्तरीय निर्णयबाट चार प्रमुख जिल्ला अधिकारी हेरफेर , पर्सामा हिरालाल रेग्मी आउँदै ।

समाचार

गृहपृष्ठ
समाचार
गृहमन्त्रीस्तरीय निर्णयबाट चार प्रमुख जिल्ला अधिकारी हेरफेर , पर्सामा हिरालाल रेग्मी आउँदै ।

गृहमन्त्रीस्तरीय निर्णयबाट चार प्रमुख जिल्ला अधिकारी हेरफेर , पर्सामा हिरालाल रेग्मी आउँदै ।

शुक्रबार, माघ ६, २०७९ ज्योति दैनिक

वीरगन्ज । गृह मन्त्रालयले चार जिल्लामा प्रमुख जिल्ला अधिकारी हेरफेर गरेको छ । शुक्रबार गृह मन्त्रालयले मन्त्रीस्तरीय निर्णयबाट चार जिल्लामा प्रमुख जिल्ला अधिकारीको काज सरुवा गर्दै हेरफेर गरेको हो ।

मन्त्रालयका अनुसार जिल्ला प्रशासन कार्यालय, झापामा कार्यरत कृष्णबहादुर शाहीको रौतहटको प्रमुख जिल्ला अधिकारीमा सरुवा भएको छ भने सुनसरीका प्रमुख जिल्ला अधिकारी हिरालाल रेग्मीलाई पर्साको प्रमुख जिल्ला अधिकारीमा पठाइएको छ । यस्तै रौतहटका प्रमुख जिल्ला अधिकारी इन्द्रदेव यादवलाई सुनसरीको प्रमुख जिल्ला अधिकारीमा पठाइएको छ भने गृह मन्त्रालयका उपसचिव सूर्यबहादुर खत्रीलाई बाँकेको प्रमुख जिल्ला अधिकारीमा पठाइएको छ ।

यस अघि दुइ चरणमा सहसचिव तथा उपसचिव सरहका प्रमुख जिल्ला अधिकारीको सरुवा गरेको गृह मन्त्रालयले शुक्रबार प्रधानमन्त्री शेरबहादुर देउवाले मन्त्रिमण्डल बिस्तार गरेकै दिन तेस्रो चरणमा चार जिल्लाका प्रमुख जिल्ला अधिकारी हेरफेर गरेको हो ।

प्रकाशित मिति: शुक्रबार, माघ ६, २०७९ २१:१०