त्रिशूली नदीमा पहिराेले बगाएकाे बसमा पर्साकाे बहुदरमाई का दुई विद्यार्थी पनि वेपता

समाचार

गृहपृष्ठ
समाचार
त्रिशूली नदीमा पहिराेले बगाएकाे बसमा पर्साकाे बहुदरमाई का दुई विद्यार्थी पनि वेपता

त्रिशूली नदीमा पहिराेले बगाएकाे बसमा पर्साकाे बहुदरमाई का दुई विद्यार्थी पनि वेपता

शनिबार, असार २९, २०८१ ज्योति दैनिक

बीरगन्ज । चितवनकाे भरतपुर महानगरपालिका वडा नं. २९ स्थित नारायगढ-मुग्लिन सडक खण्डको सिमलतालमा पहिराेले बगाएकाे बसमा पर्साकाे बहुदरमाई नगरपालिका वडा नं. ८ रामनगरीका दुई विद्यार्थी पनि वेपता भएका छन् ।

बीरगन्जबाट काठमाडाैं जाँदै गरेकाे एन्जल डिलक्स बस शुक्रबार बिहान करिब साढे ३ बजेकाे समयमा लेदोसहितको पहिरोमा परेर त्रिशूलीमा बेपत्ता भएकाे छ । साेही बसमा सवार रामनगरीका साेनालाल यादवकाे छाेरा २० बर्षिया ओउम् हरि यादव र साेही ठाउँ निवासी जयनारायण साह तेलीकाे छाेरा १६ बर्षिय सुजित साह पनि बेपता भएका हुन् ।

लाेक सेवा तयारीकाे लागि काठमाडाैं जाँदै गरेका दुबै जना पहिराेले बगाएकाे बसमा सवार रहेकाे स्थानियहरुले वताएका छन् । पहिलाेले बगाएकाे बसमा सवार गाउँका दुई विद्यार्थी वेपता भएकाे खबरले गाउँ नै शाेकमा डुबेकाे स्थानिय अरबिन्द साहले बताए ।

पहिराेले त्रिशुली नदीमा बगाएकाे बसकाे शुक्रबार खोजी कार्य गरिएपनि फेला पर्न सकेकाे थिएन । शनिबार विहान देखि सशस्त्र प्रहरीले सोनार क्यामेर, वाटर ड्रोन प्रयोग गरी बेपत्ताहरूको खोजी गरिरहेको छ । शनिबार बिहान पानीको वहाब पनि कम भएकाले खोजी कार्य प्रभावकारी हुने जिल्ला प्रहरी कार्यालय चितवनका प्रवक्ता डिएसपी भेषराज रिजालले बताए ।

काठमाडौँबाट गौर जाँदै गरेको बसमा २७ तथा वीरगन्जबाट काठामाडौँतर्फ आउँदै गरेको बसमा २४ यात्रु रहेको स्थानीय प्रशासनले जनाएको छ। उक्त दुर्घटनामा परेका ३ यात्रु भने पौडी खेलेर बाँच्न सफल भएका छन्।

प्रकाशित मिति: शनिबार, असार २९, २०८१ १३:४८