पर्साबाट १२ किलो चरेससहित एक भारतीय युवक पक्राउ

समाचार

गृहपृष्ठ
समाचार
पर्साबाट १२ किलो चरेससहित एक भारतीय युवक पक्राउ

पर्साबाट १२ किलो चरेससहित एक भारतीय युवक पक्राउ

शनिबार, साउन १२, २०८१ ज्योति दैनिक

बीरगंज । सशस्त्र प्रहरी बलले पर्सा जिल्लाको पोखरिया नगरपालिका-१ स्थित बनकटवाबाट १२ किलो चरेस, विभिन्न किसिमका सामान र एउटा मोटरसाइकलसहित युवकलाई नियन्त्रणमा लिएको छ ।

भारतको पश्चिम चम्पारन विसनपुर मटेरवा बस्ने १८ वर्षीय कुञ्जनकुमार महतोलाई शनिबार सशस्त्र प्रहरी बलको सुरक्षा बेस पोखरियाले नियन्त्रणमा लिएको हो ।

बीआर २२ एबी १२९२ नम्बरको मोटरसाइकलमा नेपालबाट भारततर्फ जाँदै गरेका उनलाई शंका लागि जाँच गर्दा महतोको साथबाट १२ केजी चरेस, ५ हजार ४२० भारतीय रुपैयाँ, १ थान मोबाइल सेटसहित नियन्त्रणमा लिइएको सशस्त्र प्रहरीले जनाएको छ ।

सशस्त्र प्रहरीका अनुसार नियन्त्रणमा लिइएका महतोलाई बरामद सामान र मोटरसाइकलसहित आवश्यक कारबाहीको लागि नेपाल प्रहरीलाई बुझाइएको छ ।

प्रकाशित मिति: शनिबार, साउन १२, २०८१ १९:१९