शिक्षा क्षेत्रमा आवश्यक सहयोग गर्छु ः मन्त्री तिवारी

समाचार

गृहपृष्ठ
समाचार
शिक्षा क्षेत्रमा आवश्यक सहयोग गर्छु ः मन्त्री तिवारी

शिक्षा क्षेत्रमा आवश्यक सहयोग गर्छु ः मन्त्री तिवारी

मंगलबार, साउन २९, २०८१ ज्योति दैनिक

वीरगंज । मधेश प्रदेशकी शिक्षा तथा संस्कृति मन्त्री रानी तिवारीले सोमबार पर्सा जिल्लाको बिन्दवासिनी गाउँपालिकामा पुगी शिक्षा क्षेत्रको बारेमा बुझेकी छिन् ।
पालिकामा पुगी मन्त्री तिवारीले पालिका अध्यक्ष प्रमोद तिवारी र प्रमुख प्रशासकीय अधिकृत राकेश ओझा सँग भेटघाट गर्दै पालिकामा रहेको विद्याल्यको अवस्था लगायत शिक्षा क्षेत्रको बारेमा जानकारी लिएकी हुन् । सो अवसरमा पालिका अध्यक्ष तिवारीले पालिका भित्र १४ वटा सामुदायिक विद्यालयहरु रहेकोमा ३ वटा माध्यमिक तहको रहेको बताउदै सो स्कूलहरुको भौतिक संरचना, शिक्षकहरुको अवस्था लगायत विविध पक्षहरुको बारेमा मन्त्री रानी तिवारीलाई जानकारी गराएका थिए ।
पालिका भित्रको शिक्षा अवस्थाको बारेमा जानकारी लिए पश्चात मन्त्री तिवारीले शिक्षा क्षेत्रको विकासको लागि आफुले सक्दो सहयोग गर्ने प्रतिबद्धता जनाएकी थिईन ।
सो अवसरमा शिक्षा शाखा प्रमुख कपिल लामिछाने, वडा नं. १ का वडाध्यक्ष अक्षयलाल महतो लगायत वडा सदस्य, कर्मचारीहरुको सहभागिता रहेको थियो ।

प्रकाशित मिति: मंगलबार, साउन २९, २०८१ १९:०४