सुनको भाउमा अर्को कीर्तिमान : तोलाको एक लाख ५९ हजार सात सय रुपैयाँ पुग्यो

अर्थ - बाणिज्य

गृहपृष्ठ
अर्थ - बाणिज्य
सुनको भाउमा अर्को कीर्तिमान : तोलाको एक लाख ५९ हजार सात सय रुपैयाँ पुग्यो

सुनको भाउमा अर्को कीर्तिमान : तोलाको एक लाख ५९ हजार सात सय रुपैयाँ पुग्यो

मंगलबार, असोज ८, २०८१ ज्योति दैनिक

काठमाण्डौ । सुनको भाउले आज अर्को कीर्तिमान बनाएको छ । आज सुनको भाउ तोलामा पाँच सय रुपैयाँले बढेर अहिलेसम्मकै उच्च तोलाको एक लाख ५९ हजार सात सय रुपैयाँ पुगेर नयाँ कीर्तिमान बनाएको नेपाल सुनचाँदी व्यवसायी महासङ्घले जनाएको छ ।

हिजो सुनको भाउ तोलाको एक लाख ५९ हजार दुई सय रुपैयाँ थियो । सुनको भाउले पछिल्ला केही दिनदेखि लगातार नयाँ रेर्कड बनाउँदै आएको छ ।

त्यस्तै आज चाँदीको भाउ भने पाँच रुपैयाँले घटेको छ । आज चाँदीको भाउ तोलामा पाँच रुपैयाँले घटेर एक हजार नौ सय १५ रुपैयाँमा कारोबार भइरहेको महासङ्घले जनाएको छ ।

हिजो भने चाँदीको भाउमा घटबढ भएको थिएन । हिजो चाँदीको भाउ अस्तिको जस्तै तोलाको एक हजार नौ सय २० रुपैयाँमा नै कायम रहेको थियो ।

प्रकाशित मिति: मंगलबार, असोज ८, २०८१ १०:५३