स्रोत नखुलेको १९ लाखसहित जनकपुरधामबाट तीन जना पक्राउ

समाचार

गृहपृष्ठ
समाचार
स्रोत नखुलेको १९ लाखसहित जनकपुरधामबाट तीन जना पक्राउ

स्रोत नखुलेको १९ लाखसहित जनकपुरधामबाट तीन जना पक्राउ

शुक्रबार, कात्तिक ३०, २०८१ ज्योति दैनिक

जनकपुरधाम । स्रोत नखुलेको १९ लाख रुपैयाँसहित जनकपुरधामबाट तीन जना पक्राउ परेका छन् ।

पक्राउ पर्नेमा भारतको बिहार राज्य जिल्ला मधुबनी चाना हरलाखी ग्राम पञ्चायत हरलाखी- ८ बस्ने २६ वर्षीय विष्णुदेव यादव, जनकपुरधाम उपमहानगरपालिका- ४ बस्ने २८ वर्षीय रमेश भन्ने रंजित कुमार यादव र धनौजी गाउँपालिका ७ भररिया टोल बस्ने २० वर्षीय रवि पासवान रहेको जिल्ला प्रहरी कार्यालय धनुषाले जनाएको छ ।

धनुषाका प्रहरी प्रवक्ता प्रहरी नायव उपरीक्षक वरुणबहादुर सिंहका बिहीबार साँझ ४ बजेको समयमा जनकपुरधाम १२, कुवारामपुर बजार स्थित जिल्ला प्रहरी कार्यालयबाट खटेको गस्ती टोलीले पक्राउ गरेको हो ।

उनका अनुसार विशेष सूचनाको आधारमा भारतबाट नेपालतर्फ आउँदै गरेको ज १२ प ६४३ नम्बरको मोटरसाइकललाई शंकाको आधारमा चेकजाँच गर्दा मोटरसाइकल चालक विष्णुदेव यादवले शरीरको विभिन्न भागमा रबरले च्यापी लुकाई-छिपाई राखेको अवस्थामा नेपाली रुपैयाँ १९ लाख बरामद गरिएको हो ।

प्रकाशित मिति: शुक्रबार, कात्तिक ३०, २०८१ १२:३५