आतंकवाद फैलाएको भन्दै भाइबरमाथि प्रतिबन्ध

अन्तर्राष्ट्रिय

गृहपृष्ठ
अन्तर्राष्ट्रिय
आतंकवाद फैलाएको भन्दै भाइबरमाथि प्रतिबन्ध

आतंकवाद फैलाएको भन्दै भाइबरमाथि प्रतिबन्ध

शनिबार, मंसिर २९, २०८१ ज्योति दैनिक

काठमाडौँ । आतंकवाद फैलाएको भन्दै रुसले मेसेजिङ एप भाइबरमाथि प्रतिबन्ध लगाएको छ । रुसको सञ्चार नियामक निकाय रोस्कोमनाद्जोरले शुक्रबार भाइबरमाथि प्रतिबन्ध लगाइएको घोषणा गरेको हो ।

रोस्कोमनाद्जोरले भाइबरलाई आतंकवाद, चरमपन्थ र लागूऔषध ओसारपसार रोकथामसम्बन्धी नियम उल्लङ्घन गरेको आरोप लगाएको छ ।

यसअघि पनि सन् २०२३ मा युक्रेन युद्धसँग सम्बन्धित ‘भ्रमपूर्ण’ जानकारी हटाउन नसकेको भन्दै भाइबरलाई झन्डै ११ हजार ८८० अमेरिकी डलर जरिवाना गरिएको थियो ।

रुसले सन् २०२२ मा फेसबुक र एक्स (तत्कालीन ट्वीटर) जस्ता सामाजिक सञ्जाल प्लेटफर्महरूमा समेत प्रतिबन्ध लगाइसकेको छ । त्यसै वर्षको मार्चमा, फेसबुक र इन्स्टाग्राममा पूर्ण रूपमा प्रतिबन्ध लगाइएको थियो ।

भाइबर जापानी कम्पनी राकुटेनको स्वामित्वमा रहेको छ ।

प्रकाशित मिति: शनिबार, मंसिर २९, २०८१ १२:०२