पुस मसान्तभित्र कर बुझाउन राजस्व विभागको ताकेता

समाचार

गृहपृष्ठ
समाचार
पुस मसान्तभित्र कर बुझाउन राजस्व विभागको ताकेता

पुस मसान्तभित्र कर बुझाउन राजस्व विभागको ताकेता

शनिबार, पुस २७, २०८१ ज्योति दैनिक

काठमाण्डौ । आन्तरिक राजस्व विभागले पुस मसान्त अर्थात पर्सि सोमवारभित्र करको विवरण र कर बुझाउन ताकेता गरेको छ ।

विभागले आर्थिक वर्ष २०८१/८२ को कारोबारको अनुमानित करको विवरण र प्रथम किस्ता बापतको कर दाखिला गर्न ताकेता गरेको हो ।

आयकर ऐन अनुसार यस आर्थिक वर्षको कारोबारको अनुमानित करको विवरण र त्यस विवरणअनुसारको तिर्नुपर्ने आयकरको पहिलो किस्ताबापतको ४० प्रतिशतले हुने रकम पुस मसान्तभित्रै तिर्नु पर्ने व्यवस्था रहेको विभागले स्मरण गराएको छ ।

विभागले ठूला करदाता कार्यालय, मध्यमस्तरीय करदाता कार्यालय, सम्बन्धित आन्तरिक राजस्व कार्यालय वा सम्बन्धित करदाता सेवा कार्यालयमा कर र कर विवरण बुझाउन अनुरोध गरेको छ ।

प्रकाशित मिति: शनिबार, पुस २७, २०८१ १२:०५