एमाले सचिवालय बैठक बस्दै, प्रधानमन्त्री ओलीले ‘ब्रिफिङ’ गर्ने

समाचार

गृहपृष्ठ
समाचार
एमाले सचिवालय बैठक बस्दै, प्रधानमन्त्री ओलीले ‘ब्रिफिङ’ गर्ने

एमाले सचिवालय बैठक बस्दै, प्रधानमन्त्री ओलीले ‘ब्रिफिङ’ गर्ने

मंगलबार, माघ ८, २०८१ ज्योति दैनिक

काठमाडौं । सत्तारुढ नेकपा एमालेको सचिवालय बैठक बस्ने भएको छ। एमाले स्थायी कमिटी सदस्य एवं प्रचार विभाग प्रमुख राजेन्द्र गौतमका अनुसार बैठक आज दिउँसो ४ बजे पार्टी केन्द्रीय कार्यालय च्यासलमा बस्न लागेको हो।

उनका अनुसार बैठकमा प्रधानमन्त्री एवं अध्यक्ष केपी शर्मा ओलीले समसामयिक राजनीतिक घटनाक्रमबारे नेताहरुलाई जानकारी गराउनेछन्। ‘संसद् चल्दैछ, अध्यादेशको विरोध भइरहेको छ,’ गौतमले भने, ‘विकसित राजनीतिका सन्दर्भहरु छन्। ती बारे उहाँले जानकारी गराउनुहुन्छ।’

त्यस्तै नेकपा एमाले फर्किन चाहिरहेका नेता वामदेव गौतमको बारेमा पनि बैठकमा छलफल हुने बताइएको छ। गौतमले भने, ‘त्यसभित्र वामदेवको पनि सानो कुरा हुन्छ। आउनेलाई पार्टीमा स्वागत छ। उहाँलाई रोक्ने कुरा भएन।आउन दिनुपर्छ। उहाँ आउनु भयो भने पनि भूमिकासहित आउनुहुन्छ।' गौतमले आफू एमालेमा फर्किन तयार भएको बताएका छन्।

प्रकाशित मिति: मंगलबार, माघ ८, २०८१ १३:०७