मुस्कान अस्पताल बन्द गर्न मुख्यमन्त्री सिंहको निर्देशन

समाचार

गृहपृष्ठ
समाचार
मुस्कान अस्पताल बन्द गर्न मुख्यमन्त्री सिंहको निर्देशन

मुस्कान अस्पताल बन्द गर्न मुख्यमन्त्री सिंहको निर्देशन

शनिबार, माघ २६, २०८१ ज्योति दैनिक

जनकपुरधाम । मधेश प्रदेशका मुख्यमन्त्री सतिशकुमार सिंहले मुस्कान अस्पताल बन्द गर्न निर्देशन दिएका छन् ।

गएराति अस्पतालमै पुगेर मुख्यमन्त्री सिंहले विरामीको उपचारमा लापरवाही गरेको र दर्ता पनि नरहेको भन्दै तत्काल बन्द गर्न निर्देशन दिएका हुन् ।

राति ११ बजे अस्पतालमा पुगेर मुख्यमन्त्री सिंहले अस्पतालको दर्ताको कागजात मागेका थिए । तर अस्पतालले दर्ताको कागजात उपलब्ध गराउन नसकेपछि मुख्यमन्त्रीले सरकारलाई अस्पतालको साँचो बुझाउन निर्देशन दिएका हुन् ।

गत माघ ३ गते पित्तथैलीको शल्यक्रिया गरेपछि सर्लाहीको हरिपुर्वा नगरपालिका वडा नं ५ की २५ वर्षीया बबिता कुमारी यादव अहिलेसम्म बेहोस छिन् ।

उपचाररत रहेका तीनजना बिरामीलाई अन्य अस्पतालमा व्यवस्थापन गर्न र बिहान ११ बजेसम्म अस्पतालमा ताल्चा लगाएर साँचो सरकारलाई बुझाउन मुख्यमन्त्रीले अल्टिमेटम दिएका हुन् ।

प्रकाशित मिति: शनिबार, माघ २६, २०८१ १०:३४