मैत्रीपुर्ण खेलमा भेट्रान सिटि क्लब संग पत्रकारहरु पराजित

खेलकुद

गृहपृष्ठ
खेलकुद
मैत्रीपुर्ण खेलमा भेट्रान सिटि क्लब संग पत्रकारहरु पराजित

मैत्रीपुर्ण खेलमा भेट्रान सिटि क्लब संग पत्रकारहरु पराजित

शुक्रबार, फागुन २३, २०८१ ज्योति दैनिक

वीरगन्ज । शनिबार हुने दोस्रो वीरगन्ज गोल्डकप फुटबल प्रतियोगीताको फाईनल खेलको पुर्वसन्ध्यामा आयोजक भेट्रान सिटि क्लब वीरगन्ज र पर्साका पत्रकारहरु बिच मैत्रिपुर्ण खेल सम्पन्न भएको छ ।
आर्दशनगर खेल मैदानमा भएको मैत्रीपुर्ण खेलमा आयोजक भेट्रान सिटि क्लबले ६–० गोलअन्तरले पर्साका पत्रकारहरुलाई पराजित गरेको हो ।

खेलमा सुरु देखि कमजोर देखिएको पत्रकारहरुको टोली खेलको पहिलो हाफ सम्ममा २ गोलले पछि परेको थियो । नियमित रुपमा अभ्यासरत आयोजक भेट्रान सिटि क्लबका खेलाडीहरु पत्रकारहरु माथी लगातार हाबि देखिएका थिए ।

३० मिनेटको खेलमा भेट्रान सिटि क्लबका खेलाडीहरु दोस्रो हाफमा पत्रकारहरुमा थप ४ गोल गरेका थिए ।
खेलमा भेट्रान सिटि क्लबका खेलाडी सागर समशेर जबरा एक्लै तीन गोल गरेका थिए । यस्तै सुबोध श्रीवास्तव, रोसन कलवार र अलिअसगर हवारीले थप एक –एक गोल गरेका हुन ।

खेलमा पत्रकारहरुको कप्तानी नेपाल खेलकुद पत्रकार मन्च पर्साका अध्यक्ष तिवारी यादवले गरेका थिए । भने भेट्रान सिटि क्लबको कप्तानको भुमिका क्लबका उपाध्यक्ष सागर समशेर जबराले निभाएका थिए । खेलमा रेफ्रीको भुमिका पत्रकार पंकज श्रेष्ठले निर्वाह गरेका थिए ।

प्रकाशित मिति: शुक्रबार, फागुन २३, २०८१ २१:२२