मधेस केन्द्रित दलले भारतमा भएको आतकङ्कारी हमलाको निन्दा गरे

समाचार

गृहपृष्ठ
समाचार
मधेस केन्द्रित दलले भारतमा भएको आतकङ्कारी हमलाको निन्दा गरे

मधेस केन्द्रित दलले भारतमा भएको आतकङ्कारी हमलाको निन्दा गरे

शुक्रबार, वैशाख १२, २०८२ ज्योति दैनिक

बिरगंज । भारतको जम्मु–काश्मिरको पहलगाममा भएको आतङ्ककारी हमलाप्रति तराई–मधेस केन्द्रित दलहरूले आपत्ति जनाएका छन् ।

दलहरूले छुट्टाछुट्टै विज्ञप्ति जारी गर्दैै उक्त घटनाप्रति गहिरो दुःख व्यक्त गरेका हुन् । उनीहरूले यस दुःखको घडीमा आफूहरू भारतको साथमा रहेको प्रस्ट पारेका छन् ।

पहलगाममा भएको आतङ्ककारी आक्रमणमा बुटवल निवासी नेपाली नागरिक सुदीप न्यौपानेसहित २६ जना पर्यटकको ज्यान गएको थियो ।

आतकङ्वादीको यो क्रुर कार्यले सबैको अन्तस्करणलाई हल्लाएको भन्दै जनता समाजवादी पार्टी नेपालका अध्यक्ष उपेन्द्र यादवले धर्मको नाममा भएको आतङ्कवादी घटनाको निन्दा गरेका छन् ।

यस्तै, राष्ट्रिय मुक्ति पार्टीका अध्यक्ष राजेन्द्र महतोले आतङ्कवादविरुद्ध विश्व एक भएर लड्नुको विकल्प नरहेको बताएका छन् । आतंकवादको कुनै जात, धर्म र राष्ट्र नहुने भन्दै उनले यसले सम्पूर्ण मानव सभ्यतालाई नै समाप्त पार्न खोज्ने भएकाले यस्तो घृणित कार्यलाई स्वीकार गर्न नसकिने उल्लेख गरेका छन् ।

यस्ता आपराधिक घटनाबाट भारत सरकार अलिकति पनि विचलित नभई अगाडि बढ्ने उनको विश्वास छ ।

जनमत पार्टीका प्रवक्ता डा.शरद सिंह यादवले आतकंवादी हमलाको घोर निन्दा गर्दै मानवतालाई नै लज्जित गर्ने यस्ता अमानीय कुकृत्यलाई कुनै पनि अधारमा स्वीकार गर्न नसकिने बताएका छन् ।

प्रकाशित मिति: शुक्रबार, वैशाख १२, २०८२ २०:५६