वीरगञ्ज सुक्खा बन्दरगाह भन्सार कार्यालयबाट नौ महिनामा ३६ अर्बभन्दा बढी राजस्व सङ्कलन

अर्थ - बाणिज्य

गृहपृष्ठ
अर्थ - बाणिज्य
वीरगञ्ज सुक्खा बन्दरगाह भन्सार कार्यालयबाट नौ महिनामा ३६ अर्बभन्दा बढी राजस्व सङ्कलन

वीरगञ्ज सुक्खा बन्दरगाह भन्सार कार्यालयबाट नौ महिनामा ३६ अर्बभन्दा बढी राजस्व सङ्कलन

शनिबार, वैशाख २०, २०८२ ज्योति दैनिक

वीरगञ्ज । सिर्सियास्थित वीरगञ्ज सुक्खाबन्दरगाह भन्सार कार्यालयले चालु आर्थिक वर्षको नौ महिनामा ३६ अर्ब ८३ करोड ५८ लाख ४८ हजार रुपैयाँ राजस्व सङ्कलन गरेको छ ।

कार्यालयले सो अवधिमा वार्षिक लक्ष्यको ६१.३४ प्रतिशत राजस्व सङ्कलन गरेको छ । कार्यालयका सूचना अधिकारी युवराज भट्टराईले पछिल्ला महिनामा राजस्व सङ्कलनमा बढोत्तरी हुँदै आएको जानकारी दिए ।

कार्यालयले साउन तीन अर्ब ७५ करोड, भदौमा चार अर्ब ६४ करोड, असोजमा चार अर्ब ३६ करोड, कात्तिकमा तीन अर्ब ७९ करोड राजस्व सङ्कलन गरेको थियो । त्यस्तै मङ्सिरमा तीन अर्ब २२ करोड, पुसमा तीन अर्ब ५६ करोड, माघमा चार अर्ब २९ करोड, फागुनमा चार अर्ब ६८ करोड र चैतमा चार अर्ब ५० करोड रुपैयाँ राजस्व सङ्कलन गरेको छ ।

भन्सार विभागले कार्यालयलाई वर्षभरिमा ६० अर्ब चार करोड ८७ लाख ९७ हजार राजस्व सङ्कलन गर्ने लक्ष्य निर्धारण गरेको थियो ।

प्रकाशित मिति: शनिबार, वैशाख २०, २०८२ १५:२६