देउवाले दोहोर्‍याए चीनविरुद्ध नेपाली भूमि प्रयोग नहुने अडान

समाचार

गृहपृष्ठ
समाचार
देउवाले दोहोर्‍याए चीनविरुद्ध नेपाली भूमि प्रयोग नहुने अडान

देउवाले दोहोर्‍याए चीनविरुद्ध नेपाली भूमि प्रयोग नहुने अडान

मंगलबार, वैशाख २३, २०८२ ज्योति दैनिक

काठमाडौं । नेपाली कांग्रेसका सभापति शेरबहादुर देउवाले नेपालको भूमि चीनविरुद्ध प्रयोग हुन नदिने बताएका छन्। सोमबार काठमाडौंमा आयोजित एक कार्यक्रममा उनले नेपाल एक चीन नीतिमा स्पष्ट रहेको र नेपाली भूमि चीनविरुद्ध प्रयोग नहुने प्रष्ट पारेका हुन्।

देउवाले नेपालको विकासमा छिमेकी चीनको सहयोगको प्रशंसा पनि गरे। नेपाल–चीन कूटनीतिक सम्बन्धको ७० वर्ष पुगेको अवसरमा जिपी कोइराला फाउन्डेसनले आयोजना गरेको तस्बिर प्रदर्शनीको उद्घाटन गर्दै उनले नेपाल–चीन सांस्कृतिक, आर्थिक र सामाजिक साझेदारी ऐतिहासिक र बलियो रहेको बताए।

नेपालको पूर्वाधार, व्यापार, पर्यटन, सांस्कृतिक र शैक्षिक आदानप्रदान, जलवायु परिवर्तन र वातावरणीय सहकार्यमा चीनको सहयोगप्रति कृतज्ञता व्यक्त गर्दै उनले आगामी दिनमा यो सहयोग अझ बढ्ने विश्वास व्यक्त गरेका छन्।

प्रकाशित मिति: मंगलबार, वैशाख २३, २०८२ ०९:३७