पर्सामा भारी मात्रामा लागुऔषध बरामद

समाचार

गृहपृष्ठ
समाचार
पर्सामा भारी मात्रामा लागुऔषध बरामद

पर्सामा भारी मात्रामा लागुऔषध बरामद

मंगलबार, जेठ ७, २०८२ ज्योति दैनिक

पर्सा । सशस्त्र प्रहरी बल पर्साले वीरगन्जको छपकैयास्थित भकुवा नाकाबाट भारी मात्रामा लागुऔषध बरामद गरेको छ । सशस्त्र प्रहरी बल नेपाल नम्बर १३ गण हेडक्वार्टर पर्साबाट सशस्त्र प्रहरी नायब उपरीक्षक देवेन्द्रबहादुर सिंहको कमान्डमा खटिएको टोलीले मंगलबार बिहान भारी मात्रामा लागुऔषध बरामद गरेको हाे ।

भारतबाट अवैध रूपमा दुईजना व्यक्तिहरूले टाउकोमा बोकी नेपालतर्फ ल्याउँदै गरेको ट्रमाडोल ५० एमजीको ८१ हजार ४९० ट्याब्लेट प्रहरी देख्नासाथ छाडेर भागेको हो ।

नाकामा लागुऔषध छाडेर फरार भएपछि उक्त लागुऔषध बरामद गरी आवश्यक कारबाहीका लागि जिल्ला प्रहरी कार्यालय पर्सामा बुझाइएको सशस्त्र प्रहरी नायब उपरीक्षक सिंहले जानकारी दिए ।

प्रकाशित मिति: मंगलबार, जेठ ६, २०८२ १८:३०