लगातारको वर्षाले भारतको मुम्बईमा जनजीवन प्रभावित

अन्तर्राष्ट्रिय

गृहपृष्ठ
अन्तर्राष्ट्रिय
लगातारको वर्षाले भारतको मुम्बईमा जनजीवन प्रभावित

लगातारको वर्षाले भारतको मुम्बईमा जनजीवन प्रभावित

मंगलबार, भदौ ३, २०८२ ज्योति दैनिक

भारतको मुम्बईमा लगातार वर्षा भएपछि जनजीवन प्रभावित बनेको छ । आज पनि ठूलो वर्षा भइहँदा विभिन्न क्षेत्रमा दुईदेखि चार फिटसम्म पानी जमेको छ भारतीय पत्रिका भास्कर दैनिकले जनाएको छ ।

विक्रोलीमा हिजो बिहान साढे ८ बजेदेखि आज बिहानसम्म दुई सय ५५ मिलिमिटर वर्षा भएको छ । वर्षाका कारण मुम्बई महानगरपालिकाले विद्यालय–महाविद्यालय र सरकारी तथा अर्ध–सरकारी कार्यालय बन्द गराएको छ ।

यातायातमा अवरोध भएको छ भने उडान सञ्चालन पनि ढिलो भएको छ । त्यहाँ अहिलेसम्म घटनामा बाढीका कारण सात जनाको ज्यान गएको छ भने केही मानिस घाइते भएका छन ।

यसैबीच हिमाचल प्रदेशको कुल्लुमा लगातारको वर्षाले ब्यास नदीमा आएको बाढीले तीन वटा पसल बगाएको छ । भूतनाथ क्षेत्रमा सडकको एक हिस्सा क्षतिग्रस्त भएको छ भने पुल समेत बगाएको खबरमा भनिएको छ ।

प्रकाशित मिति: मंगलबार, भदौ ३, २०८२ १२:१६