पाकिस्तानको खैबर पख्तुनख्वामा १ अर्ब ७ करोड पाकिस्तानी रुपैयाँको ठुलो काठ घोटालाको पर्दाफास भएको छ । यसमा अवैध रूपमा काटिएको लगभग २३ लाख घनफिट काठ जफत भएको छ ।
यस घोटालामा १४० अधिकारी मुछिएको बताइएको छ । उनीहरूका नाममा ‘कारण देखाऊ’ सूचना जारी गरिएको छ । आरोपीहरू विरुद्ध आरोपपत्र तयार भइरहेको बताइएको छ । राज्य सरकारले थप कारबाहीको लागि केही मुद्दाहरू पाकिस्तानको राष्ट्रिय जवाफदेहिता ब्यूरो (एनएबी) र भ्रष्टाचार विरोधी विभागलाई पनि पठाएको छ ।
पेसावरको वन योजना तथा अनुगमन सर्कलको रिपोर्टका अनुसार जफत गरिएको काठ मुख्यतया बट्टाग्रामको अलाई तहसील र क्षेत्रका अन्य स्थानहरूबाट बरामद गरिएको थियो । यो अनुसन्धान राज्य मन्त्रिपरिषद्को निर्देशनमा गरिएको थियो ।
यसले काठका टुक्राहरू, स्वीकृत कार्य योजनाहरू, सन् २००३ को सुख्खा खडा र हावाले काटिएका रूखहरू सम्बन्धी नीति साथै अवैध काठ काट्ने नीतिको समीक्षा गरेको थियो । टोलीले ३७० मुद्दाहरूको अनुसन्धान गर्ने क्रममा यी अनियमितता फेला पारेको हो ।
