बारामा ब्राउन सुगरसहित ५ जना पक्राउ

समाचार

गृहपृष्ठ
समाचार
बारामा ब्राउन सुगरसहित ५ जना पक्राउ

बारामा ब्राउन सुगरसहित ५ जना पक्राउ

बुधबार, मंसिर ४, २०८२ ज्योति दैनिक

बारा । बारामा लागुऔषध ब्राउन सुगर (खैरो हेरोइन)सहित पाँच जना पक्राउ परेका छन् ।पक्राउ पर्नेमा बाराको फेटा गाउँपालिका वडा नम्बर. १ त्रिबेणीका ४२ वर्षीय कृष्ण महतो, त्यहि ठाउँका ३२ वर्षीय लालुकुमार बैठा, ३६ वर्षीय लालु साह,निजगढ नगरपालिका–८ निजगढका ४० वर्षीय राजकुमार लामा र २५ वर्षीय अभिशेक श्रेष्ठ रहेका छन् ।

बाराको फेटा गाउँपालिका वडा नम्बर १ त्रिबेणीका ४२ वर्षीय कृष्ण महतोको घरमा ब्राउन सुगरको खरिबिक्री भइरहेको सूचना प्रहरीलाई प्राप्त भएको थियो । उक्त सूचनाको आधारमा ईलाका प्रहरी कार्यालय प्रसौनी बारा र लागुऔषध नियन्त्रण व्यूरो शाखा कार्यालय वीरगन्जको संयुक्त टोलीले महतोको घरमा पुगेर छापामा मार्दा २३ ग्राम ७१० मिलिग्राम ब्राएन सुगर बरामद भएपछि घरधनी महतोसहित पाँचै जनालाई नियन्त्रणमा लिएको हो ।

ब्राउन सुगरसहित पक्राउ परेका पाँचै जनालाई प्रहरी हिरासतमा राखेर थप अनुसन्धान भइरहेको प्रहरी निरीक्षक श्रेठले जानकारी दिए ।

प्रकाशित मिति: बुधबार, मंसिर ३, २०८२ १७:५९