श्रीलंकामा भीषण बाढीपहिरो, १५९ जनाको मृत्यु

अन्तर्राष्ट्रिय

गृहपृष्ठ
अन्तर्राष्ट्रिय
श्रीलंकामा भीषण बाढीपहिरो, १५९ जनाको मृत्यु

श्रीलंकामा भीषण बाढीपहिरो, १५९ जनाको मृत्यु

आइतबार, मंसिर १५, २०८२ ज्योति दैनिक

श्रीलंकामा देशभर परेको भारी वर्षा र बाढीका कारण हालसम्म १५९ जनाको ज्यान गएको छ । २०० भन्दा बढी अझै बेपत्ता छन् । महानिर्देशक सम्पत कोटुवेगोदाअनुसार राहत कार्य तीव्र रूपमा अगाडि बढिरहेको छ ।

४३ हजार ९ सय ९५ जनालाई घर क्षतिग्रस्त भएकाले राज्य सञ्चालित राहत केन्द्रमा सारिएको छ ।

सोमबारबाट भारी वर्षा सुरु भएको थियो । बुधबार मुख्य क्षेत्रमा अझ तीव्र वर्षा भएपछि देशभर बाढीको अवस्था झन् गम्भीर बनेको छ । शुक्रबार साँझ केलानी नदीको तटबन्ध भाचिँदा धेरै मानिसलाई अस्थायी शिविरमा सार्नु परेको थियो । देशका अधिकांश भागमा वर्षा कम भए पनि उत्तरतर्फका केही क्षेत्रमा अझै पानी परिरहेको छ । भारतले पीडितहरूका लागि आवश्यक राहत सामग्री पठाइसकेको छ । आवश्यक परे थप सहयोगका लागि तयार रहेको भारतीय अधिकारीले जानकारी दिएका छन् ।

सरकारले उद्धार र राहत कार्यलाई अझ सुदृढ बनाउन सैनिक बल परिचालन गरेको छ । जहाँ, हेलिकप्टर र डुंगा प्रयोग गरी फसेका बासिन्दाको उद्धार गरिएको छ ।

केन्द्रका अधिकारीहरूले बताएअनुसार बाढीको स्तर सन् २०१६ भन्दा बढी हुने अनुमान गरिएको छ । त्यतिबेला ७१ जनाको मृत्यु भएको थियो । सन् २००० पछि श्रीलंकामा आएको सबैभन्दा ठूलो बाढी सन् २००३ को जूनमा भएको थियो । त्यतिबेला पनि २ सय ५४ जनाको मृत्यु भएको थियो ।

प्रकाशित मिति: आइतबार, मंसिर १४, २०८२ ११:५२