दुर्घटनामा चालकको मृत्यु भएपछि रौतहटको चपुरमा राजमार्ग अवरुद्ध (तस्बिरहरू)

समाचार

गृहपृष्ठ
समाचार
दुर्घटनामा चालकको मृत्यु भएपछि रौतहटको चपुरमा राजमार्ग अवरुद्ध (तस्बिरहरू)

दुर्घटनामा चालकको मृत्यु भएपछि रौतहटको चपुरमा राजमार्ग अवरुद्ध (तस्बिरहरू)

रौतहट । रौतहटको चन्द्रनिगाहपुरस्थित मोथियाही पुल नजिक भएको सवारी दुर्घटनाका मृतकका आफन्तले शनिबार दिउँसोदेखि पूर्वपश्चिम राजमार्ग अवरुद्ध पारेका छन् । शुक्रबार साँझ बसको ठक्करबाट मोटरसाइकल चालकको मृत्यु भएपछि पीडितका आफन्तले क्षतिपूर्ति माग्दै सडक अवरुद्ध पारेका हुन् ।

चन्द्रपुर नगरपालिका–६ स्थित मोतियाही पुलनजिक चपुर–गौर खण्डमा गौरबाट चन्द्रनिगाहपुरतिर आउँदै गरेको ना४ ख ६५४७ नम्बरको बस र विपरीत दिशाबाट जाँदै गरेको ना ३९ प ४२४० नम्बरको मोटरसाइकल ठोक्किँदा वृन्दावन नगरपालिका–२ विश्रामपुरका ४० वर्षीय नागेन्द्र पटेलको मृत्यु भएको थियो ।

rautahat ma tanab_NPL (2)

घटनापछि मृतकका परिवार र बस सञ्चालकबिच क्षतिपूर्तिको विषयमा इलाका प्रहरी कार्यालय चन्द्रनिगाहपुरमा छलफल भएको थियो । बस धनीको तर्फबाट कानुनले तोकेको भन्दा बढी रकम नदिने अडान राखे पछि मृतकका परिवारले राजमार्ग ठप्प पारेका हुन् । राजमार्ग बन्दका कारण चन्द्रनिगाहपुर चोकमा सयौं सवारी अलपत्र परेका छन् । मृतकका आफन्त सडकमा टायर बालेर बसेका छन् । तस्बिर : नेपाल फोटो लाइब्रेरी