राष्ट्रियसभा सदस्य चुनावका लागि निर्वाचन अधिकृत नियुक्त

समाचार

गृहपृष्ठ
समाचार
राष्ट्रियसभा सदस्य चुनावका लागि निर्वाचन अधिकृत नियुक्त

राष्ट्रियसभा सदस्य चुनावका लागि निर्वाचन अधिकृत नियुक्त

बुधबार, पुस ९, २०८२ ज्योति दैनिक

काठमाण्डाै । निर्वाचन आयोगले आउँदो माघ ११ गते हुने राष्ट्रियसभा सदस्य चुनावका लागि सात प्रदेशमा निर्वाचन अधिकृतको कार्यालय स्थापनासहित निर्वाचन अधिकृत नियुक्त गरेको छ ।

आयोगले जिल्ला न्यायाधीशहरूलाई निर्वाचन अधिकृतमा नियुक्त गरेको आयोगका प्रवक्ता नारायणप्रसाद भट्टराईले जानकारी दिनुभयो । कोशीमा भीमराज प्रसाईं, मधेशमा शुभनाथ पुरी, बाग्मतीमा गीता श्रेष्ठ, गण्डकीमा हिमाल बेल्वासे, लुम्बिनीमा प्रकाशराज पण्डित, कर्णालीमा दीपक ढकाल र सुदूरपश्चिममा भुवनसिंह थापा नियुक्त हुनुभएको छ ।

आउँदो फागुन २० गतेदेखि रिक्त हुने १९ पदका लागि माघ ११ गते मतदान हुँदैछ । निर्वाचन कार्यक्रम अनुसार यही पुस १९ गते नामावली प्रकाशन तथा दाबी विरोध र उजुरीमाथि छानबिन गरी पुस २२ गते अन्तिम नामावली प्रकाशन हुनेछ ।

उम्मेदवारको मनोनयन पुस २३ गतेका लागि तोकिएको छ । मतदान माघ ११ गते बिहान ९ बजेदेखि दिउँसो ३ बजेसम्म हुनेछ ।

प्रकाशित मिति: बुधबार, पुस ९, २०८२ १५:१८