कङ्गोमा विद्रोही आक्रमण, १४ जनाको मृत्यु

अन्तर्राष्ट्रिय

गृहपृष्ठ
अन्तर्राष्ट्रिय
कङ्गोमा विद्रोही आक्रमण, १४ जनाको मृत्यु

कङ्गोमा विद्रोही आक्रमण, १४ जनाको मृत्यु

शनिबार, पुस १९, २०८२ ज्योति दैनिक

अफ्रिकी मुलुक कङ्गोमा इस्लामिक समूहसँग सम्बन्धित विद्रोहीले तीन गाउँमा एकैसाथ आक्रमण गरी कम्तीमा १४ जनाको हत्या गरेका छन्। उत्तर–पश्चिम नर्थ किभु प्रान्तमा राति सात किलोमिटरको क्षेत्रमा बिद्रोहीले हमला गरेको स्थानीय नेता माकाएर सिभिकुनुलाले बताए।

उनले भने, “तीन गाउँमा एकसाथ हमला भयो। राति ८ बजेदेखि १० बजेसम्म गोलीबारी भयो। १५ जनाको मृत्यु भयो र १३ घर जले।”

स्थानीय बासिन्दाहरूले पनि यस आक्रमणलाई पुष्टि गरेका छन्। सेनाले दुई जना सैनिकको पनि मृत्यु भएको जनाएको छ।

प्रारम्भमा युगान्डाका पूर्व विद्राेहीहरूले गठन गरेका यो समूह १९९० दशकदेखि उत्तरपूर्वी कङ्गोमा सक्रिय छ। यसले हजारौँ सर्वसाधारणको हत्या गरिसकेको छ।

सन् २०२१ देखि युगान्डाका सैनिकहरू कङ्गोको सेनासँग मिलेर यस समूहविरुद्ध लडेका छन्, तर हिंसा रोक्न सफल भएका छैनन्।

विद्रोही प्रायः असहाय नागरिकमाथि हमला गर्छन् र त्यसपछि जङ्गलतर्फ भाग्छन्।

प्रकाशित मिति: शनिबार, पुस १९, २०८२ १६:०८