टी–२० विश्वकपमा आज पनि तीन खेल

खेलकुद

गृहपृष्ठ
खेलकुद
टी–२० विश्वकपमा आज पनि तीन खेल

टी–२० विश्वकपमा आज पनि तीन खेल

मंगलबार, माघ २८, २०८२ ज्योति दैनिक

काठमाडौं । आईसीसी टी–२० विश्वकपअन्तर्गत आज तीन खेल हुँदैछ । आज मंगलबार समूह ‘ए’का दुई र समूह ‘डी’अन्तर्गत एक गरेर तीन खेल हुन लागेका हुन् ।

पहिलो खेलमा बिहान सवा ११ बजे नेदरल्यान्डस र नामिबियाले प्रतिस्पर्धा गर्नेछन् । दोस्रो खेलमा समूह ‘डी’अन्तर्गत रहेका न्युजिल्यान्ड र युएईबीच अपराह्न ३ः१५ बजे भारतको चेन्नाईमा प्रतिस्पर्धा हुनेछ ।

न्युजिल्यान्ड पहिलो खेलमा विजयी भएको टिम हो भने यूएई पहिलो खेल खेल्दैछ । न्युजिल्यान्डले पहिलो खेलमा अफगानिस्तानमाथि पाँच विकेटको जित निकालेको थियो ।

मंगलबारको अन्तिम खेलमा पाकिस्तान र अमेरिका भिड्दैछन् । यो खेल साँझ सवा ७ बजे सुरू हुनेछ । प्रतियोगितामा दोस्रो खेल खेल्न लागेको अमेरिका र पाकिस्तान दुवै जित्नुपर्ने दबाबमा छन् ।

प्रकाशित मिति: मंगलबार, माघ २७, २०८२ १०:२२