वीरगञ्ज । क्रियाशील युवा पत्रकार मञ्च नेपालले आफ्नो संगठन विस्तारलाई निरन्तरता दिएको छ। मञ्चमा पर्साका १० जना पत्रकार औपचारिक रूपमा आबद्ध भएका छन्।
वीरगञ्जमा आइतबार आयोजित एक कार्यक्रमबीच नवआबद्ध पत्रकारहरूलाई संस्थाको सदस्यका रूपमा स्वागत गरिएको हो। कार्यक्रममा पत्रकारिता क्षेत्रमा सक्रिय युवाहरूलाई संस्थागत रूपमा जोड्दै पत्रकारको पेशागत हकहित र क्षमता अभिवृद्धिका विषयमा समेत जोड दिइएको थियो।
मञ्चमा आबद्ध हुनेमा अभिलाष गुप्ता, रश्मिराज भण्डारी, सन्तोष कुशवाहा, अर्जुन चौधरी, प्रतीक्षा श्रेष्ठ, पूजा महतो, जितेन्द्र साह, भगवानप्रसाद कुर्मी (कुणाल) र पुनम चौधरी लगायत रहेका छन्। उपलब्ध विवरणअनुसार कार्यक्रममा १० जना पत्रकार आबद्ध भएको जनाइए पनि नाम भने नौ जनाको मात्र उल्लेख गरिएको छ।
मञ्चका अध्यक्ष आनन्द पटेलको अध्यक्षतामा सम्पन्न कार्यक्रममा नेपाल पत्रकार महासंघ मधेस प्रदेशका अध्यक्ष श्याम बन्जारा, पर्सा शाखा अध्यक्ष ओमप्रकाश खनाल, प्रेस सेन्टर नेपाल मधेस प्रदेशका अध्यक्ष निरज पिठाकोटे मगर, समाजवादी प्रेस संगठन नेपाल मधेस प्रदेशका अध्यक्ष मनोज पटेल, नेपाल प्रेस युनियन पर्साका अध्यक्ष विजय चौहान तथा समाजवादी प्रेस संगठन पर्साका अध्यक्ष शम्भुकुमार सुमन लगायतको उपस्थिति थियो।
कार्यक्रमले युवा पत्रकारहरूबीच सहकार्य र संस्थागत एकतालाई थप मजबुत बनाउने अपेक्षा गरिएको छ।
