पकाहाँ मैनपुर गाउँपालिकाको गाउँसभा अन्योलमा

समाचार

गृहपृष्ठ
समाचार
पकाहाँ मैनपुर गाउँपालिकाको गाउँसभा अन्योलमा

पकाहाँ मैनपुर गाउँपालिकाको गाउँसभा अन्योलमा

बुधबार, असार १३, २०८० कृष्णा कुशवाहा

केही सञ्चारकर्मीहरुले आफूखुसी गाउँसभा भएको समाचार प्रकाशन गरेका हुन् : अधिकृत कुशवाहा

वीरगन्ज । पर्साको पकाहाँमैनपुर गाउँपालिका अध्यक्ष र वडा अध्यक्ष लगायत सदस्यहरूबीच कुरा नमिल्दा गाउँसभा अन्योलमा परेको छ । गाउँसभा चलिरहेका बेला पालिका अध्यक्ष सुरेश मेहताले आफूखुसी कमिसनमुखी योजनाको प्रस्ताव गरेपछि वडा अध्यक्षहरु लगायत सदस्यसहितका जनप्रतिनिधिले विरोध जनाउँदै सभा बहिष्कार गरेका गरेका थिए ।

असार ९ र १० गते नीति कार्यक्रम र बजेट पेस गर्ने कार्यक्रम रहेकामा पेश भए लगत्तै वडा अध्यक्षहरुले बहिष्कार गरेपछि गाउँसभा स्थगित भएको हो । त्यसपछि बुधबार भनिएको बैठक आज पनि बसेको छैन ।

बैठक बस्ने सभा हलमा सम्पूर्ण जनप्रतिनिधिहरु पुगे पछि गाउँपालिका अध्यक्ष सुरेश मेहता र प्रमुख प्रशासकिय अधिकृत राज कुशवाहा अनुपस्थित रहेका थिए ।

एकैचोटी पालिका प्रमुख मेहता र अधिकृत कुशवाहा अनुपस्थित भए संगै गाउँसभा अन्योलमा परेको देखिनै सँग उहाँहरुको गतिविधि माथि पनि संका हुन लागेको वडा अध्यक्षहरुको कथन छ ।

एक वडा अध्यक्षका अनुसार उहाँहरू अनुपस्थित भएको खण्डमा हामीले उहाँहरूसंग सम्पर्क गर्दा हामीले एक्लै गाउँसभा गर्ने कुरा गरेको बताए ।

यस विषयमा प्रमुख प्रशासकिय अधिकृत कुशवाहासँग बुझ्न खोज्दा हामीले प्रस्तुत गरेको बजेटमा वडा अध्यक्षहरुले असहमति जनाएको भन्दै गाउँ सभा स्थगित गरिएको बताए । साथै केही बुँदामाथि कुरा नमिलेको कारण गाउँसभा स्थगित गरियो र त्यो बुँदामाथि चाँडै सहमति गरेर गाउँ सभा गरिने उहाँले बताउनु भयो । केही संचारकर्मीहरुले आफूखुसी गाउँसभा भएको समाचार प्रकाशन गरेको बताए । अहिले गाउँसभा नभएको बताए ।

प्रकाशित मिति: बुधबार, असार १३, २०८० १६:४५