पूर्व गापा अध्यक्ष चौरसिया सिचाईका लागि पानी ल्याउन पुगे बम नगर ।

समाचार

गृहपृष्ठ
समाचार
पूर्व गापा अध्यक्ष चौरसिया सिचाईका लागि पानी ल्याउन पुगे बम नगर ।

पूर्व गापा अध्यक्ष चौरसिया सिचाईका लागि पानी ल्याउन पुगे बम नगर ।

सोमबार, साउन १५, २०८० कृष्णा कुशवाहा

वीरगन्ज । लामो समय देखि पानी नपर्दा किसानहरुले सिचाई गर्न भोग्दै आएको समस्या समाधानका लागि पकहामैनपुर गापालिकाका पूर्व गाउँपालिका अध्यक्ष बिजय चौरसियाले गाउँपालिका आएको नहरमा पानी ल्याउन जगनाथपुर गाउँपालिकाको अस्वारी हुँदै गएको बम नहरबाट पानी ल्याउन त्यहाँ पुगेका छन् ।

मनसुन हुने मुख्य मौसममा औसतभन्दा पनि कम वर्षा भएपछि यतिबेला पर्सा जिल्लामा पानीको हाहाकार मच्चिएको छ । मुख्य अन्नबाली धान रोप्ने समयमा वर्षा नभएको र भएका बोरिङ र पम्पहरू पनि सुकेपछि पालिकामा खडेरी परेको अध्यक्ष चौरसियाले बताए ।

“मोटरबाट पानी तानेर जसोतसो रोपेको धान पानी नपरेपछि सुक्दै गएको छ, अझै केही दिन पानी नपरे धान बचाउन गाह्रो हुनेछ”, वर्षभरि खाने धान सुक्दै जाँदा पालिका अन्तर्गतका किसानहरूको मनमा चिन्ता बढ्दै गएपछि आफू पनि चिन्तित भई पालिकामा पानी ल्याउन नहरमा लागेको फोहोर जेसिविले साफ गराई बम नहरबाट पालिकाको नहरमा पानी लैजान लागेको पूर्व गाउँपालिका अध्यक्ष चौरसियाले बताए ।

निर्वाचित जनप्रतिनिधिहरुले किसानको समस्या नबुझी आफू कसरी कमाउने कार्य तर्फ बढी लागेको उनले बताए । पालिकाका किसानहरूको दुःख पीडा जितेका जनप्रतिनिधिहरुले पनी बुझेका छैनन्। आज बम नगरबाट पानी ल्याउन पालिका अन्तर्गतको जेसिवि लिन खोज्दा विभिन्न किसिमको बहाना पालिकाबाट गरिएको उनले बताए । पछि सिंचाई डिभिजन कार्यालयसँग समन्वय गरी डिभिजनको जेसिबि लिई पालिकामा पानी लैजान लागेको उनले बताए ।

प्रकाशित मिति: सोमबार, साउन १५, २०८० १६:०२