देशको ११ उपमहानगरपालिका मध्ये कलैया बन्यो प्रथम

समाचार

गृहपृष्ठ
समाचार
देशको ११ उपमहानगरपालिका मध्ये कलैया बन्यो प्रथम

देशको ११ उपमहानगरपालिका मध्ये कलैया बन्यो प्रथम

बिहीबार, फागुन १०, २०८० ज्योति दैनिक

वीरगन्ज । राष्ट्रिय प्राकृतिक स्रोत तथा वित आयोग सिंहदरबार ,काठमाडौले प्रदेश सरकार र स्थानीय तहको कार्यसम्पादन मुल्यांकन बापत प्राप्त गरेको अकं सम्बन्धि मिति २०८०/११/०८ मा प्रकाशित बिवरण अनुसार देश भरिका ११ वटा उपमहानगरपालिकाहरू मध्ये बाराको कलैया उपमहानगरपालिका प्रथम स्थान हासिल गरेको छ । कलैयाले ४०.९३ अंक प्राप्त गरि पहिलो र हेटौंडा उपमहानगरपालिका ३७.११ दोस्रो त्यस्तै धरान उपमहानगरपालिका ३५.५६ तेस्रो अंक ल्याएको हो । यस्तै ईटहरी २२.०७,धरान ३५.५६,जनकपुर २१,जितपुर सिमरा २३,बुटवल ३५.४१,तुलसिपुर ३४.३९,घोराही ३०.९०,नेपालगन्ज २३.६४ र धनगढी ३४.७३ अन्क प्राप्त गरेका छन ।

यसरीकार्य सम्पादन मुल्यांकन मा नेपाल मै पहिलो भएकोमा कलैया उपमहानगरपालिकाका मेयर बिनोद साहले खुशी ब्यक्त गर्दै सम्पुर्ण कर्मचारी जनप्रतिनिधि एवम नगरबासिलाई धन्यवाद दिएका छन । मेयर साहले प्रमुख प्रशासकिय अधिकृत नाथु साहको अनुभव र कार्यछमता ले सारा कर्मचारीको प्रयासले यो नतिजा हासिल गर्न सकिएको बताएका छन ।

उप मेयर रौशन प्रविनले समेत यो उपलब्धिका लागि सबैलाई बधाई दिएकी छन ।

यता प्रमुख प्रशासकिय अधिकृत सङ्ग प्रथम स्थान पाउँदा कलैयालाई के फाईदा हुने सन्दर्भमा साहले संघले उपलब्ध गराउने बजेटमा अन्य उपमहानगरपालिका भन्दा कलैयालाई केही बढी बजेट प्राप्त हुने बताए । साहले समेत यो उपलब्धिका लागि उपमहानगरपालिका परिवारका सबै महाशाखा र शाखा परिवारलाई हार्दिक धन्यवाद दिदै अझ यो भन्दा बढी राम्रो गर्न आतुर हुन निर्देशन दिएका छन ।

प्रकाशित मिति: बिहीबार, फागुन १०, २०८० १८:४०