आज भारतको दिल्लीसहितका आठ राज्यमा मतदान चल्दै

अन्तर्राष्ट्रिय

गृहपृष्ठ
अन्तर्राष्ट्रिय
आज भारतको दिल्लीसहितका आठ राज्यमा मतदान चल्दै

आज भारतको दिल्लीसहितका आठ राज्यमा मतदान चल्दै

शनिबार, जेठ १२, २०८१ ज्योति दैनिक

भारतको आम चुनाव अन्तर्गत आज एक केन्द्र शासित प्रदेशसहित आठ राज्यमा मतदान भइरहेको छ । छैटौँ चरणको मतदान अन्तर्गत आज ५८ सीटका लागि मतदान भइरहेको बीबीसी हिन्दीले जनाएको छ ।आज दिल्लीका सात, हरियाणाका १०, बिहारका आठ, जम्मु कश्मीरको एक र झारखण्डको चार सिटका लागि मतदान हुँदैछ ।

यस्तै आजै ओडिशाका ६, उत्तर प्रदेशको १४ र पश्चिम बङ्गालको आठ सिटमा पनि मतदान भइरहेको छ । ओडिशामा भने लोकसभासँगै विधानसभाको ४२ सिटका लागि पनि मतदान भइरहेको छ । सात चरणमा हुने भारतको आम चुनाव अन्तर्गत आज छैटौँ चरणको मतदान भइरहेको हो ।

अन्तिम तथा सातौँ चरणको मतदान जुन १ मा हुनेछ । जुन १ मा बिहार, हिमाचल, झारखण्ड, ओडिशा, पञ्जाब, उत्तर प्रदेश, पश्चिम बङ्गाल, चण्डीगढ गरेर ८ राज्यका ५७ सिटका लागि मतदान हुनेछ । मतदान सकिएपछि जुन ४ तारिखदेखि सबै क्षेत्रको मतगणना शुरु हुनेछ ।

प्रकाशित मिति: शनिबार, जेठ १२, २०८१ १०:२५