पृथ्वीबाट सात सय किलोमिटरमाथि अन्तरिक्षयात्रा सम्पन्न

अन्तर्राष्ट्रिय

गृहपृष्ठ
अन्तर्राष्ट्रिय
पृथ्वीबाट सात सय किलोमिटरमाथि अन्तरिक्षयात्रा सम्पन्न

पृथ्वीबाट सात सय किलोमिटरमाथि अन्तरिक्षयात्रा सम्पन्न

शुक्रबार, भदौ २८, २०८१ ज्योति दैनिक

अर्बपति उद्योगी एलन मस्कको कम्पनी स्पेसएक्सको पोलारिस डाअन मिशनमा दुई अन्तरिक्ष यात्रीहरूले पृथ्वीबाट झण्डै सात सय किलोमिटरमाथि स्पेसवाक अर्थात अन्तरिक्षयात्रा गरेका छन् । अन्तरिक्षयात्राको समयमा अन्तरिक्षयानको गति २५ हजार किलोमिटर प्रतिघण्टा थियो ।

निजी अन्तरिक्ष यानबाट गरिएको यो पहिलो अन्तरिक्ष यात्रा भएको बीबीसीले जनाएको छ । यस मिसनमा ४ जना अन्तरिक्ष यात्री अन्तरिक्षमा गएका छन् । यी मध्ये दुई अन्तरिक्ष यात्री, मिसन कमाण्डर जेरेड इसेकम्यान र मिसन विशेषज्ञ साराह गिलिस ५० वर्षभन्दा बढी समयदेखि कुनै पनि अन्तरिक्ष यात्री नपुगेको कक्षमा पुगेका छन् ।

मस्कको कम्पनीको फाल्कन–९ रकेटबाट मिसन प्रक्षेपण गरिएको थियो । यस मिसनको उद्देश्य निजी अन्तरिक्ष यानबाट गरिएको पहिलो अन्तरिक्ष यात्रा प्रक्षेपण रहेको खबरमा उल्लेख छ । यस क्रममा मानव स्वास्थ्यसम्बन्धी ३६ वटा अनुसन्धान र प्रयोग पनि गरिनेछ । यसबाहेक, स्टारलिङ्कको लेजरमा आधारित सञ्चार पनि अन्तरिक्षमा परीक्षण गरिनेछ ।

प्रकाशित मिति: शुक्रबार, भदौ २८, २०८१ १०:१४