सिनेमा 'रावायण' फ्लपको आफ्टरइफेक्ट, पल हटाइए, सौगात भए अनुबन्धित

मनोरञ्जन

गृहपृष्ठ
मनोरञ्जन
सिनेमा 'रावायण' फ्लपको आफ्टरइफेक्ट, पल हटाइए, सौगात भए अनुबन्धित

सिनेमा 'रावायण' फ्लपको आफ्टरइफेक्ट, पल हटाइए, सौगात भए अनुबन्धित

मंगलबार, असोज १, २०८१ ज्योति दैनिक

काठमाडौँ । ‘कल्ली’मा अभिनेता सौगात मल्ल मुख्य भूमिकामा अनुबन्ध भएका छन्। किरण नेपालीको निर्माण रहने सिनेमालाई लक्ष्मण सुनारले निर्देशन गर्नेछन्। साउनमा अभिनेता पल शाह र अभिनेत्री बेनिशा हमाल समाविष्ट चरित्र पोस्टर सार्वजनिक गरेको थियो।

सिनेमामा सौगात भित्रिएसँगै धेरैले पल बाहिरिएको हुन सक्ने अनुमानलाई निर्माता नेपालीले सत्य नभएको भन्दै अस्वीकार गरेका छन्। उनले आफ्नो सिनेमामा चार जना अभिनेता रहने र त्यसमध्येका एक अभिनेता सौगात भएको स्पष्टीकरण दिएका छन्।

नेपालीले यस्तो स्पष्टीकरण दिए पनि पल र बेनिशा समाविष्ट चरित्र पोस्टर सिनेमा 'कल्ली' नाम फेसबुकबाट गायब रहेको छ। फेसबुकबाट सो पोस्टर हटाइनुले पल शाहलाई सिनेमाबाट हटाइएको आशंकामा थप बलपुगेको छ।

सौगातले यसअघि किरणका तीन फिल्म ‘पोइ पर्‍यो काले’, ‘दुई नम्बरी’ र ‘हात्तीछाप’मा काम गरेका थिए जसमा ‘हात्तीछाप’ सुपरफ्लप बनेको थियो।

फिल्ममा महेश दवाडीको पटकथा तथा संवाद रहनेछ।
तिहार लगत्तै फ्लोरमा जाने बताइएको सिनेमा चैत २९ गतेबाट रिलिज हुनेछ।

प्रकाशित मिति: मंगलबार, असोज १, २०८१ १२:१६