इजरायलले एकै दिन लेबनानका एक सय २० ठाउँमा हवाई आक्रमण गर्‍याे

अन्तर्राष्ट्रिय

गृहपृष्ठ
अन्तर्राष्ट्रिय
इजरायलले एकै दिन लेबनानका एक सय २० ठाउँमा हवाई आक्रमण गर्‍याे

इजरायलले एकै दिन लेबनानका एक सय २० ठाउँमा हवाई आक्रमण गर्‍याे

मंगलबार, असोज २२, २०८१ ज्योति दैनिक

इजरायलले एकै दिन लेबनानका एक सय २० ठाउँमा हवाई आक्रमण गरेको छ । हिजबुल्लाह समूह लक्षित एक सयभन्दा बढी लडाकु विमानबाट इजरायलले ती क्षेत्रमा आक्रमण गरेको हो । आक्रमणबाट राजधानी बेरुतसहित दक्षिणी लेबनानका विभिन्न ठाउँमा कैयौं भवन ध्वस्त भएका अन्तर्राष्ट्रिय समाचार संस्था अलजजिराले जनाएको छ ।

ती भवन हिजबुल्लाह समूहका हतियार केन्द्र या अन्य रणनीतिक केन्द्र रहेको इजरायली सेनाको दाबी छ । हिजबुल्लाह समूहले पनि इजरायलमा एक सय ३० वटा मिसाइल प्रहार गरेको छ । इजरायली सेनाका अनुसार हिजबुल्लाहले प्रहार गरेका सबै मिसाइल आकाशमै नष्ट गरिएको छ । यसैबीच इजरायली सेनाले गाजामा गरेको पछिल्लो आक्रमणमा ७७ जनाको ज्यान गएको छ ।

विद्रोही समूह हमासले इजरायलमा आक्रमण गरेको एक वर्ष पुगेको दिन हिजो इजरायली सेनाले गाजामा गरेको आक्रमणमा ७७ जनाको ज्यान गएको र सय जनाभन्दा धेरै घाइते भएका खबरमा उल्लेख छ ।

प्रकाशित मिति: मंगलबार, असोज २२, २०८१ १४:५८