महोत्तरीको बर्दिवासका गाउँमा बाँदरको उपद्रव घट्दै

समाचार

गृहपृष्ठ
समाचार
महोत्तरीको बर्दिवासका गाउँमा बाँदरको उपद्रव घट्दै

महोत्तरीको बर्दिवासका गाउँमा बाँदरको उपद्रव घट्दै

मंगलबार, पुस २३, २०८१ ज्योति दैनिक

महोत्तरी । महोत्तरीको बर्दिवास नगरपालिका–१ र ३ को बीचमा पर्ने चिहानडाँडा वरपरका वनजङ्गलमा बोटबिरुवा र फलफूल पाउन थालेपछि गाउँमा बाँदरको उपद्रव घटेको छ ।

चिहानडाँडा सामुदायिक वन उपभोक्ता समितिले चार वर्षअघि वन क्षेत्रमा जामुना, फडिर, अमला, अम्बा र महुवालगायतका रुख रोपेपछि बाँदर गाउँ पस्न पातलिएको हो ।

पहिले दैनिक २०–२५ को सङ्ख्यामा बाँदरको हुल आउने गरेकामा आजभालि बस्ती पस्ने बाँदर पातलिन थालेका स्थानीयवासी उमा पोखरेलले बताउनुभयो ।

पहिले बाँदरको समूहले अन्नबाली, बोटबिरुवा, घरका सामान सबै खोसलेर केही बाँकी नराख्ने तर अहिले सामुदायिक वनमा रोपिएका बिरुवाले फल दिन थालेपछि बाँदर जङ्गलमा रमाउन थालेका पोखरेलको भनाइ छ ।

प्रकाशित मिति: मंगलबार, पुस २३, २०८१ १२:५६