प्रधानमन्त्री र मन्त्रीहरूबीच एक वर्षका लागि कार्यसम्पादन सम्झौता हुँदै

समाचार

गृहपृष्ठ
समाचार
प्रधानमन्त्री र मन्त्रीहरूबीच एक वर्षका लागि कार्यसम्पादन सम्झौता हुँदै

प्रधानमन्त्री र मन्त्रीहरूबीच एक वर्षका लागि कार्यसम्पादन सम्झौता हुँदै

बिहीबार, साउन ३०, २०८२ ज्योति दैनिक

काठमाडौं । प्रधानमन्त्री केपी शर्मा ओलीसँग चालु आर्थिक वर्षमा गरिने मुख्य काम र हासिल हुने उपलब्धिका लागि उपप्रधानमन्त्रीद्वय (प्रकाशमान सिंह र विष्णुप्रसाद पौडेल) र मन्त्रीहरूबीच आज कार्यसम्पादन सम्झौता हुँदैछ। प्रधानमन्त्री तथा मन्त्रिपरिषद्को कार्यालय,सिंहदरबारमा दिउँसो १ बजे मन्त्रालयगत वार्षिक प्रगति समीक्षाका साथै कार्यसम्पादन सम्झौतामा हस्ताक्षर भइ आदानप्रदान हुनेछ ।

गत वर्ष भदौ २७ गते यस प्रकारको कार्यसम्पादन सम्झौता भएको थियो । यसवर्ष झण्डै एक महिना अगाडि सम्झौता हुन लागेको हो। वर्षभरी गरिने काम तथा सम्पादनलाई छिटो र प्रभावकारी बनाउन सम्झौता मुख्य आधार बन्ने प्रधानमन्त्री ओलीका निजी सचिव विनोदबहादुर कुँवरले जानकारी दिए।

‘समृद्ध नेपाल, सुखी नेपाली’को राष्ट्रिय आकाक्षाक्षा पूरा गर्न थालिएका पूर्वाधार निर्माण तथा सेवा प्रवाहमा सुधारका कार्यहरु तोकिएको समयमा सम्पन्न गर्न कार्यसम्पादन सम्झौताको अभ्यास प्रधानमन्त्री ओलीको विगतको कार्यकालमा आरम्भ गरिएको हो ।

प्रधानमन्त्रीसँग मन्त्रीहरूले कार्यसम्पादन सम्झौता गरेपछि मन्त्रीहरूले सम्बन्धित सचिवहरूसँग कार्यसम्पादन सम्झौता गर्नुपर्नेछ ।

प्रकाशित मिति: बिहीबार, साउन २९, २०८२ ११:१९