सामाजिक सञ्जालमा प्रतिबन्ध लगाउने सरकारको कदमविरुद्ध रास्वपाले प्रतिवाद गर्ने

समाचार

गृहपृष्ठ
समाचार
सामाजिक सञ्जालमा प्रतिबन्ध लगाउने सरकारको कदमविरुद्ध रास्वपाले प्रतिवाद गर्ने

सामाजिक सञ्जालमा प्रतिबन्ध लगाउने सरकारको कदमविरुद्ध रास्वपाले प्रतिवाद गर्ने

शुक्रबार, भदौ २०, २०८२ ज्योति दैनिक

काठमाडौँ। सरकारले सामाजिक सञ्जालहरूमाथि प्रतिबन्ध लगाउने निर्णय गरेपछि यसको चौतर्फी आलोचना सुरु भएको छ ।

सरकारको यो कदमको विरुद्धमा राष्ट्रिय स्वतन्त्र पार्टी ९रास्वपा० ले कडा आपत्ति जनाउँदै यसलाई नागरिक अधिकार र अभिव्यक्ति स्वतन्त्रतामाथि सिधै प्रहार भएको टिप्पणी गरेको छ । रास्वपाले एक विज्ञप्ति जारी गर्दै भनेको छ, ‘सामाजिक सञ्जाल आजको डिजिटल युगमा केवल मनोरञ्जनको साधन मात्र होइन, यो नागरिकको मौलिक हक, विचार(अभिव्यक्ति, व्यवसाय र सूचना आदानप्रदानको प्रमुख माध्यम हो।’

पार्टीका अनुसार, यस प्रकारको एकपक्षीय प्रतिबन्धले जनताको हक अधिकारमाथि प्रत्यक्ष हमला गरेको छ । रास्वपाले नेपालको संविधानले नै सुनिश्चित गरेको धारा १७ को विचार र अभिव्यक्ति स्वतन्त्रता तथा धारा १९ को सूचना तथा सञ्चारको हकलाई कुण्ठित गर्ने यो कदमको संवैधानिक वैधतामाथि नै प्रश्नचिह्न खडा भएको बताएको छ । रास्वपाले सरकारको यस निर्णयलाई लोकतान्त्रिक समाजको मेरुदण्ड मानिने अभिव्यक्ति स्वतन्त्रतामाथि नियन्त्रण गर्ने प्रयासको रूपमा हेरेको छ र यो नागरिक अधिकार कुण्ठित गर्ने निर्णयको कडा प्रतिवाद गर्ने चेतावनी दिएको छ।

प्रकाशित मिति: शुक्रबार, भदौ २०, २०८२ १३:०७