चिसो बढेपछि वीरगन्ज महानगरका विद्यालयहरुमा फेरि थपियो ३ दिन जाडो बिदा

समाचार

गृहपृष्ठ
समाचार
चिसो बढेपछि वीरगन्ज महानगरका विद्यालयहरुमा फेरि थपियो ३ दिन जाडो बिदा

चिसो बढेपछि वीरगन्ज महानगरका विद्यालयहरुमा फेरि थपियो ३ दिन जाडो बिदा

बुधबार, पुस १६, २०८२ ज्योति दैनिक

वीरगञ्ज । वीरगञ्ज महानगरले यहाँ शीतलहर चलेसँगै यहाँ तेस्रोपटक फेरि तीन दिन विद्यालयको पठनपाठन बन्द गर्ने निर्णय गरेको छ ।

पछिल्लो दुई सातादेखि महानगर आपसपासमा लगातार चिसो बढेसँगै महानगरले पुस १६ देखि १८ गतसम्म तीन दिन थप बिदा दिने निर्णय गरेको हो । यसअघि महानगरले दुईपटक गरेर पाँच दिन जाडो बिदा दिइसकेको छ ।

वीरगञ्ज महानगर शैक्षिक प्रशासन महाशाखा प्रमुख आनन्द लामिछानेका अनुसार विगत केही दिनदेखि बढ्दै गएको चिसोका कारण बालबालिकाको स्वास्थ्यमा पर्न सक्ने प्रतिकूल असरलाई मध्यनजर गर्दै बर्खे बिदाबाट कट्टा हुनेगरी यहाँका सामुदायिक र संस्थागत विद्यालयलाई थप बिदा दिइएको हो । आगामी पुस २० गतेदेखि विद्यालय फेरि सञ्चालन हुने जनाइएको छ ।

प्रकाशित मिति: बुधबार, पुस १६, २०८२ ०९:१३