शक्तिको आयोजनामा पाँचौ परवानीपुर गोल्डकप हुने क्लबलाई चलाएमान बनाउने अध्यक्षको उद्घोष

समाचार

गृहपृष्ठ
समाचार
शक्तिको आयोजनामा पाँचौ परवानीपुर गोल्डकप हुने क्लबलाई चलाएमान बनाउने अध्यक्षको उद्घोष

शक्तिको आयोजनामा पाँचौ परवानीपुर गोल्डकप हुने क्लबलाई चलाएमान बनाउने अध्यक्षको उद्घोष

शनिबार, माघ ४, २०८२ ज्योति दैनिक

वीरगञ्ज । शक्ति यूवा क्लबको आयोजनामा पाँचौ परवानीपुर गोल्डकप फुटबल प्रतियोगिता गराउने निर्णय भएको छ ।

आगामी चैत ७ गतेदेखि परवानीपुर खेल मैदानमा उक्त फुटबल प्रतियोगिता सञ्चालन हुने निर्णय भएको हो ।

क्लबका अध्यक्ष सुबोध श्रीवास्तवको अध्यक्षतामा शनिबार बसेको बैठकले प्रतियोगिताको संयोजकमा क्लबका वरिष्ठ उपाध्यक्षमा सञ्जय मण्डल र सहसंयोजकमा क्लबका उपाध्यक्षमा दिपक यादवलाई जिम्मेवारी तोकेको छ ।

यस्तै बैठकले माघ १७ मा क्लबका पदाधिकारी र सदस्यहरुलाई बनभोज कार्यक्रममा सहभागि गराउने निर्णय भएको अध्यक्ष श्रीवास्तवले जानकारी गराए ।

बनभोजको व्यवस्थापन गर्न क्लबका अर्का उपाध्यक्ष हुलास यादव र कोषाध्यक्ष सोनालाल मण्डललाई जिम्मेवारी दिएको महासचिव धु्रव प्रसाद साहले बताए । क्लबलाई नियमित चलाएमान बनाउन प्रत्येक महिनामा बैठक बस्ने उक्त बैठकबाट निर्णय समेत गरिएको छ ।

बैठकमा क्लबका सल्लाहकार राज महम्मद मियाँ, उमेद राम, सदस्यहरुमा मनोज मिश्र, तिवारी यादव, इमाम आलम, रमेश सर्राफ, सलिम आलम, मनिर आलम लगायतको उपस्थिती रहेको थियो ।

प्रकाशित मिति: शनिबार, माघ ३, २०८२ १६:२१