बारा कांग्रेसमा गगन पक्षको ‘क्लिन स्वीप’, देउवा समूह टिकटविहीन

समाचार

गृहपृष्ठ
समाचार
बारा कांग्रेसमा गगन पक्षको ‘क्लिन स्वीप’, देउवा समूह टिकटविहीन

बारा कांग्रेसमा गगन पक्षको ‘क्लिन स्वीप’, देउवा समूह टिकटविहीन

मंगलबार, माघ ७, २०८२ ज्योति दैनिक

वीरगन्ज। नेपाली कांग्रेसले बाराका चारवटै निर्वाचन क्षेत्रमा उम्मेदवार टुंगो लगाएको छ । उम्मेदवार छनोटसँगै सभापति गगन थापा र पूर्वसभापति शेरबहादुर देउवा पक्षबिचको आन्तरिक विवाद खुला रूपमा सतहमा आएको छ ।

विशेष महाधिवेशनका क्रममा सभापति थापालाई बारामा सघाएका सबै नेताले टिकट पाएको बारा जिल्ला कांग्रेसका सचिव भैयाराम यादवले बताए । उनका अनुसार बाराका चारै निर्वाचन क्षेत्रमा गगन थापा पक्षधर उम्मेदवार चयन भएका छन् भने देउवा समूह पूर्ण रूपमा बाहिरिएको छ ।

कांग्रेसले बारा निर्वाचन क्षेत्र नम्बर–१ बाट शम्भुबहादुर बुढाथोकी, क्षेत्र नम्बर–२ बाट भैयाराम यादव, क्षेत्र नम्बर–३ बाट सहमहामन्त्री फर्मुल्लाह मन्सुर र क्षेत्र नम्बर–४ बाट श्यामबाबु गुप्तालाई उम्मेदवार बनाएको छ ।

उम्मेदवार छनोटसँगै देउवा पक्षका प्रभावशाली नेताहरू एकैपटक टिकटबाट वञ्चित भएका छन् । पूर्वमन्त्री तथा निवर्तमान सहमहामन्त्री उमाकान्त चौधरी र कांग्रेस बाराका पूर्व सभापति राधेचन्द्र यादवले यस पटक टिकट पाउन सकेनन् ।

प्रकाशित मिति: मंगलबार, माघ ६, २०८२ ०९:४७