वीरगन्ज हुँदै २३ अर्ब ५७ करोडका सवारी साधन र पार्टपुर्जा भित्रियो

समाचार

गृहपृष्ठ
समाचार
वीरगन्ज हुँदै २३ अर्ब ५७ करोडका सवारी साधन र पार्टपुर्जा भित्रियो

वीरगन्ज हुँदै २३ अर्ब ५७ करोडका सवारी साधन र पार्टपुर्जा भित्रियो

बुधबार, चैत १८, २०८२ ज्योति दैनिक

वीरगन्ज । वीरगन्ज नाका हुँदै चालु आर्थिक वर्षको सात महिनामा २३ अर्ब ५७ करोडका सवारी साधन तथा पार्टपुर्जा भित्रिएका छन् । गत आवको सात महिनाको तुलनामा चालु आवको सोही अवधिमा मूल्यको आधारमा सवारी साधन र पार्टपुर्जाको आयात छ अर्ब ४२ करोडले बढी हो ।

वीरगन्ज भन्सार कार्यालयका सूचना अधिकारी उदयसिंह विष्टका अनुसार चालु आवमा सवारी साधन र पार्टपुर्जाको आयातमा वुद्धि भएको छ । भन्सार कार्यालयले चालु आवको सात महिनामा सवारी साधन र पार्टपुर्जा आयातबाट मात्र १६ अर्ब ७३ करोड राजस्व सङ्कलन गरेको छ । जबकि गत आवको सात महिनामा १७ अर्ब १५ करोडका सवारी साधन र पार्टपुर्जा आयात हुँदा रु १३ अर्ब २६ करोड राजस्व सङ्कलन भएको थियो ।

चालु आवको सात महिनामा एक अर्ब १६ करोड १३ लाखका छ सय नौ वटा इन्धनबाट चल्ने जिप, कार र भ्यान आयात भएको छ । ती सवारी साधन आयात हुँदा दुई अर्ब ८६ करोड राजस्व सङ्कलन भएको छ । जबकि गत आवको सात महिनामा भने एक अर्ब ५० करोडका सात सय ४८ वटा इन्धनबाट चल्ने जिप, कार र भ्यान आयात भएको थियो । ती सवारी साधन आयात हुँदा तीन अर्ब ७३ करोड राजस्व सङ्कलन भएको थियो ।

प्रकाशित मिति: बुधबार, चैत १८, २०८२ १३:२९