थारु पत्रकार संघ पर्साको नयाँ नेतृत्व चयन: पुनम चौधरी अध्यक्ष

समाचार

गृहपृष्ठ
समाचार
थारु पत्रकार संघ पर्साको नयाँ नेतृत्व चयन: पुनम चौधरी अध्यक्ष

थारु पत्रकार संघ पर्साको नयाँ नेतृत्व चयन: पुनम चौधरी अध्यक्ष

शनिबार, असार १३, २०८३ ज्योति दैनिक

जिराभवानी । थारु पत्रकार संघ पर्साको जिल्ला अधिवेशन सम्पन्न गर्दै सर्वसम्मत रूपमा नयाँ जिल्ला कार्यसमिति चयन गरिएको छ। अधिवेशनबाट पुनम चौधरी अध्यक्ष तथा अर्जुन चौधरी सचिवमा सर्वसम्मत निर्वाचित भएका छन्।

नवनिर्वाचित कार्यसमितिको उपाध्यक्षमा एन्जल चौधरी, पुरुष उपाध्यक्षमा रामकिशोर चौधरी, सहसचिवमा अजय पञ्जियार तथा कोषाध्यक्षमा सञ्जय दास थारु चयन भएका छन्।

शम्भु महतो थारुको सभापतित्वमा सम्पन्न अधिवेशनमा शान्तकुमार चौधरी प्रमुख अतिथि, सन्तोष दहित विशिष्ट अतिथि तथा दुष्यन्त चौधरी, परमानन्द चौधरी, शेखर चौधरी र ओमप्रकाश चौधरी मेघराज राय लगायतको आतिथ्यता रहेको थियो। कार्यक्रममा संघका सदस्यहरूको उल्लेखनीय सहभागिता रहेको थियो।
अधिवेशनपछि नवनिर्वाचित पदाधिकारीहरूले थारु पत्रकारहरूको क्षमता अभिवृद्धि, पेशागत हकहितको संरक्षण तथा संगठनलाई थप सशक्त, सक्रिय र प्रभावकारी बनाउने प्रतिबद्धता व्यक्त गरेका छन्। उनीहरूले पत्रकारहरूको पेशागत विकाससँगै संगठनलाई नयाँ उचाइमा पुर्‍याउन सामूहिक रूपमा काम गर्ने बताएका छन्।

अधिवेशनमा सहभागीहरूले नयाँ नेतृत्वले संगठनलाई अझ एकताबद्ध, गतिशील र प्रभावकारी बनाउँदै थारु समुदायका पत्रकारहरूको हकहित संरक्षण तथा पेशागत विकासमा महत्वपूर्ण भूमिका निर्वाह गर्ने विश्वास व्यक्त गरेका छन्।

प्रकाशित मिति: शनिबार, असार १३, २०८३ २०:१९