जबरा पक्राउमा प्रचण्डको आपत्ती, भने-'छोरी पिटेर बुहारी तर्साउन खोजेको' हो भने सरकारको नियत घातक

समाचार

गृहपृष्ठ
समाचार
जबरा पक्राउमा प्रचण्डको आपत्ती, भने-'छोरी पिटेर बुहारी तर्साउन खोजेको' हो भने सरकारको नियत घातक

जबरा पक्राउमा प्रचण्डको आपत्ती, भने-'छोरी पिटेर बुहारी तर्साउन खोजेको' हो भने सरकारको नियत घातक

सोमबार, असोज १२, २०८३ ज्योति दैनिक

काठमाडौं । नेपाली कम्युनिष्ट पार्टी(नेकपा)का संयोजक पुष्पकमल दाहाल 'प्रचण्ड'ले विना कारण विशिष्ठ व्यक्तिहरूलाई पक्राउ गर्ने क्रम जारी रहे सरकारले मूल्य धेरै ठूलो चुकाउनुपर्ने बताएका छन्।

सोमबार संघीय संसद भवन सिंहदरबारमा सञ्चारकर्मीसँग कुरा गर्दै संयोजक प्रचण्डले बिना कारण सरकारले पूर्वप्रधानन्यायाधीश चोलेन्द्र शमशेर जबरा पक्राउ परेको भन्दै आपत्ती जनाए। उनले 'छोरी पिटेर बुहारी तर्साउन खोजेको’जस्तो नियत सरकारको हो भने त्यो सरकारकै लागि घातक हुने र यसको मूल्य धेरै ठूलो चुकाउनुपर्ने बताएका हुन् ।

यस्ता घटना नदोहोर्‍याउन उनले सरकारलाई आग्रह समेत गरे। सुरक्षा थ्रेट भनिएको विषय सामान्य मानिसले पनि बुझ्ने खालको बहानाबाजी मात्र भएको उनले बताए । उनले यदि साँच्चिकै सुरक्षा थ्रेट थियो भने पक्राउ गर्नुको साटो घरमै सुरक्षाकर्मी बढाइदिनुपर्ने तर्क गरे।

त्यस्तै प्रचण्डले संयुक्त राष्ट्रसंघको महासभामा प्रधानमन्त्रीले अहिले जे बोल्नुपथ्र्यो त्यही लाइनमा बोलेको र त्यो स्वाभाविक रहेको प्रतिक्रिया दिए । यस विषयलाई लिएर अनावश्यक बढाइचढाइ गर्न जरुरी नरहेको भन्दै उनले प्रधानमन्त्री बालेनको ठाउँमा अरू जो भए पनि त्यही कुरा बोल्ने धारणा राखे।

प्रकाशित मिति: सोमबार, असोज १२, २०८३ १४:०७