पटेर्वासुगौलीमा ट्याक्टरले साइकललाई ठक्कर दिदां एक महिलाको मृत्यु

समाचार

गृहपृष्ठ
समाचार
पटेर्वासुगौलीमा ट्याक्टरले साइकललाई ठक्कर दिदां एक महिलाको मृत्यु

पटेर्वासुगौलीमा ट्याक्टरले साइकललाई ठक्कर दिदां एक महिलाको मृत्यु

मंगलबार, फागुन ३०, २०७९ ज्योति दैनिक

पर्सामा सोमबार दिउँसो ट्याक्टरले साइकललाई ठक्कर दिदाँ साइकलमा सवार एक बृद्धा महिलाको मृत्यु भएको छ ।

पर्साको पटेर्वासुगौली गाँउपालिका वडा नम्बर ४ स्थित सडकमा सोमबार दिउँसो मे. १ त ४८१७ नम्बरको ट्याक्टरले विपरित दिशाबाट आउँदै गरेको साईकललाई ठक्कर दिएको हो । ट्याक्टरको ठक्करबाट साईकलमा सवार पर्साकै धोविनी गाँउपालिका ३ गुलरिया घर भएकी ७२ वर्षिय महेसीया देवी हजराको मृत्यु भएको हो ।

दुर्घटनामा साइकल चलाउने महेसीया देवीका पति प्रसाद हजरा गम्भिर घाइते भएका छन् । उनको वीरगन्ज स्थित नारायणी अस्पतालमा उपचार भइरहेको छ ।

ट्याक्टर र त्यसका चालक पर्साको कालीकामाई गाँउपालिका वडा नम्बर २ घर भएका ३२ वर्षिय महेन्द्र सहनीलाई प्रहरीले नियन्त्रणमा लिएर अनुसन्धान गरिरहेको पर्साका प्रहरी प्रवक्ता प्रहरी नायव उपरीक्षक दिपक गिरिले जानकारी दिए ।

प्रकाशित मिति: मंगलबार, फागुन ३०, २०७९ ०७:००