वीरगञ्ज महानगरपालिका -१३ को वडा कार्यालयमा तोडफोड ।

समाचार

गृहपृष्ठ
समाचार
वीरगञ्ज महानगरपालिका -१३ को वडा कार्यालयमा तोडफोड ।

वीरगञ्ज महानगरपालिका -१३ को वडा कार्यालयमा तोडफोड ।

मंगलबार, चैत २१, २०७९ ज्योति दैनिक

वीरगञ्ज । वीरगञ्ज महानगरपालिका वडा नम्बर १३ को वडा कार्यालयमा तोडफोड भएको छ । तोडफोडका कारण कार्यालयको दुईवटा कम्युटर र कार्यालयमा पार्टिसन गरिएका सिसा र टेबलहरुमा क्षति पुगेको वडा अध्यक्ष हिरा गिरीले जानकारी दिए ।

युवकको आक्रमणबाट वडा कार्यालयका कर्मचारीहरु पनि घाईते भएका छन् । स्थानीय युवक मन्दिर भित्र भजन कृतन भईरहेको स्थानमा गएर एक्कासी भजनकृत गर्नेहरुमाथि आक्रमण गर्न थालेपछि स्थानीयले समात्न खोज्दा भागेर वडा कार्यालयको कोठा भित्र पसेको वडाअध्यक्ष गिरीले बताए ।

कोठाभित्र युवक पसेपछि पछाडिबाट मान्छेले लखेट्दै गएकाहरुले भित्र थुनेर बाहिरबाट चुकुल लगाईदिएपछि तोडफोड भएको वडा अध्यक्ष गिरीले बताए ।

१५, २० बर्षदेखि सोही स्थानमा चिया नास्ताको पसल गरेर बसेका ती युवकले के कारणले भजन कृतन गर्ने महिलाहरुमाथि आक्रमण गरेको हो भन्ने चाहिँ खुलेको छैन । युवकलाई वडा प्रहरी कार्यालय श्रीपुरले नियन्त्रामा लिएको छ ।

प्रकाशित मिति: मंगलबार, चैत २१, २०७९ २१:०५